મહામારીને કારણે લોકો એક બીજા પર આધાર રાખતા થયા છે : અનુષ્કા શર્મા

Published: Jul 09, 2020, 12:50 IST | Agencies | Mumbai

‘મને લાગે છે કે આ મહામારીને કારણે એક બાબત શીખવા મળી છે કે આપણે બધા એક બીજા પર આધાર રાખતા થયા છીએ. આપણી વચ્ચે જે પણ કનેક્શન છે, એ ખેડૂતથી માંડીને મોટા ઓર્ગેનાઇઝેશનનાં મોટા અધિકારીઓ સાથે જોડાયેલુ છે.

અનુષ્કા શર્મા
અનુષ્કા શર્મા

અનુષ્કા શર્માનું કહેવુ છે કે કોરોના વાઇરસને કારણે લોકો એક બીજા પર આધાર રાખતા થયા છે. લોકો એક બીજા સાથે જોડાઈને પડખે ઊભા રહે છે. એ વિશે અનુષ્કાએ કહ્યું હતું કે ‘મને લાગે છે કે આ મહામારીને કારણે એક બાબત શીખવા મળી છે કે આપણે બધા એક બીજા પર આધાર રાખતા થયા છીએ. આપણી વચ્ચે જે પણ કનેક્શન છે, એ ખેડૂતથી માંડીને મોટા ઓર્ગેનાઇઝેશનનાં મોટા અધિકારીઓ સાથે જોડાયેલુ છે. દરેક વ્યક્તિ કોઈને કોઈ પ્રકારે એક બીજા સાથે જોડાયેલા હોય જ છે. કોઈ એકનું કામ અન્યના પર અસર પાડે છે. આ એક બટરફ્લાય જેવી અસર છે. મને એવુ લાગે છે કે આ બાબતને આપણે નજરઅંદાજ કરી રહ્યા હતાં. આપણને લાગતુ હતું કે આપણી લાઇફ સ્વતંત્ર બની ગઈ છે, પરંતુ ખરેખર તો એવુ નથી. આપણે બધા એક બીજા સાથે કનેક્ટેડ છીએ. આ મહામારીમાં આપણે એક બીજાની પ્રશંસા કરતા થયા છીએ. સાથે જ બધાનાં કામની પણ પ્રશંસા કરવી જોઈએ. હું માત્ર ફ્રન્ટલાઇન વર્કર્સની જ વાત નથી કરતી. તેમનું યોગદાન તો સાહસભર્યું છે. આપણે બધાએ તેમનો આભાર માનવો જોઈએ.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK