ધ ગૉન ગેમ લૉકડાઉનમાં ઘેરબેઠાં શૂટ થઈ આખી મર્ડર-મિસ્ટ્રી સિરીઝ!
મર્ડર મિસ્ટ્રી
ઓટીટી પ્લૅટફૉર્મ વૂટ સિલેક્ટ પર આ મહિને (જુલાઈ) ‘ધ ગૉન ગેમ’ નામનો ક્રાઇમ-થ્રિલર શો રિલીઝ થવાનો છે જેનું શૂટિંગ કોરોનાને લીધે મળેલા લૉકડાઉનમાં કરવામાં આવ્યું છે. આ શોની વાર્તા મુજબ લૉકડાઉન દરમ્યાન ઘરમાં એક વ્યક્તિનું રહસ્યમયી રીતે મૃત્યુ થઈ જાય છે અને જેમ તેનું રહસ્ય ખૂલતું જાય છે એમ આખા પરિવારની જિંદગી બદલાઈ જાય છે.
‘ધ ગૉન ગેમ’માં સંજય કપૂર, શ્વેતા ત્રિપાઠી, શ્રિયા પિળગાવકર, અર્જુન માથુર વગરેએ અભિનય કર્યો છે અને આ કલાકારોએ પોતાના ઘરે મર્યાદિત વસ્તુઓ સાથે શૂટિંગ કર્યું છે. આ શોના ડિરેક્ટર નિખિલ નાગેશ ભટનું કહેવું છે કે ‘થ્રિલર શો ઘેરબેઠાં બનાવવો એ પડકારજનક તો છે જ, પણ સાથે એ તમને ક્રીએટિ બનાવવાનું કામ પણ કરે છે. ‘ધ ગૉન ગેમ’ની સ્ટોરીલાઇન, કૅરૅક્ટર, વિઝ્યુઅલ અપીલ બધું જ ઓરિજિનલ છે. મર્યાદિત સોર્સ સાથે અમે શૂટિંગ કર્યું છે એટલે થોડી ઇનોવેટિવ ટેક્નિક પણ વાપરી છે જેથી પર્ફોર્મન્સ પર અસર ન પડે.’