સુપરહિટ રિયલિટી શો માટે દબંગ સ્ટારને મોંમાગી રકમ આપવવાની ચૅનલની તૈયારી

સુપરહિટ રિયલિટી શો માટે દબંગ સ્ટારને મોંમાગી રકમ આપવવાની ચૅનલની તૈયારી

સલમાન ખાન

લૉકડાઉન વચ્ચે પણ કેટલાક સ્ટાર્સની વૅલ્યુમાં કોઈ ઘટાડો થયો નથી. આવા સ્ટાર્સનાં નામોમાં સલમાન ખાનનું નામ ટોચ પર આવે છે. સલમાન ખાને પોતાના રિયલિટી શો બિગ બૉસ માટે એપિસોડદીઠ ૧૬ કરોડની ડિમાન્ડ કરી છે. સલમાનને આ રિયલિટી શોએ ગયા વર્ષે ૧૩મી સીઝનમાં ટીઆરપીના તમામ રેકૉર્ડ તોડ્યા હતા. ઑડિયન્સે શોને એ સ્તર પર પ્રતિભાવ આપ્યો હતો કે ચૅનલે પોતાનાં તમામ શેડ્યુલ ચેન્જ કરીને બિગ બૉસ શો દોઢ મહિના માટે વધારી દીધો હતો. બિગ બૉસની આ વર્ષે ૧૪મી સીઝન છે. આવતી સીઝન માટે સલમાન ખાને ગયા વર્ષ કરતાં બે કરોડ વધુ ફી માગી છે. ગયા વર્ષે સલમાન ખાનને એપિસોડદીઠ ૧૪ કરોડ ચૂકવવામાં આવ્યા હતા.
બિગ બૉસની પૉપ્યુલરલિટી અને સલમાન ખાનની ‌ડિમાન્ડને જોઈને ચૅનલે પણ સલમાને જે ફી ડિમાન્ડ કરી છે એ ચૂકવવાની તૈયારી દર્શાવી છે.
લૉકડાઉન પછી દરેક ટીવી-ચૅનલ પણ પોતાનું સ્થાન નવેસરથી મજબૂત બનાવવા માટે મહેનત કરી રહી છે એવા સમયે કલર્સ આ સ્ટેપ લે એમાં કોઈ નવાઈની વાત નથી.
બિગ બૉસની નવી સીઝનનું શૂટિંગ નવેમ્બરમાં શરૂ થવાની સંભાવના છે.