થૅન્ક ગૉડ, લોકો સાયકોલૉજિકલ થ્રિલર્સ જોતા થયા
થૅન્ક ગૉડ, લોકો સાયકોલૉજિકલ થ્રિલર્સ જોતા થયા
એમએક્સ પ્લેયર પર રિલીઝ થયેલી વેબ-સિરીઝ ‘ધી મિસિંગ સ્ટોન’નું લીડ કૅરૅક્ટર પાયલનું પાત્ર કરતી રાશિ મલ અત્યારે એટલી ખુશ છે જાણે જગતમાંથી કોરોના વિદાય થઈ ગયો હોય. રાશિની આ ખુશીનું કારણ એની વેબ-સિરીઝને મળેલી સક્સેસ છે. રાશિ કહે છે, ‘મનમાં પણ નહોતું કે લોકો આટલાં વખાણ કરશે. એક જ વીકમાં ૧૦ લાખથી વધારે લોકોએ શો જોઈ લીધો અને હવે બીજી સીઝન માગે છે. થૅન્ક ગૉડ, લોકો હવે સાયકોલૉજિકલ થ્રિલર્સ જોતા થયા છે.’
પહેલાં આ પ્રકારના વિષય પર ફિલ્મો બનતી નહોતી, પણ વેબ-સિરીઝ આવ્યા પછી આ જોનરની સિરીઝને લોકોએ વધાવવાનું શરૂ કરી દીધું છે. રાશિ કહે છે, ‘લૉકડાઉન વચ્ચે અમે કામ શરૂ કર્યું, પણ મનમાં હતું કે ઑડિયન્સને આ સબ્જેક્ટ નહીં ગમે તો શું થશે, પણ ફાઇનલી ઑડિયન્સને ગમ્યો અને વખાણ કર્યાં એટલે હવે હિંમત ખૂલી ગઈ કે નવા સબ્જેક્ટ્સ કરવામાં ડર નથી.’
