તમે મારા જેવા બનવાનું ક્યારેય પસંદ નહીં કરો

Published: 4th January, 2021 17:42 IST | Rashmin Shah | Mumbai

‘તેરી લાડલી મૈં’ની બિટ્ટીના પપ્પા બનતા પંકજ સિંહને એ કૅરૅક્ટરથી નફરત થવા માંડી અને એટલે જ તે કહે છે કે ઑડિયન્સ પણ મારા જેવા બનવાનું પસંદ નહીં કરે

પંકજ સિંહ
પંકજ સિંહ

સ્ટાર ભારતના નવા શો ‘તેરી લાડલી મૈં’ની દિવ્યાંગ દીકરી બિટ્ટીના પપ્પા સુરેન્દ્રનું કૅરૅક્ટર પંકજ સિંહ કરે છે. પંકજ સિંહ કહે છે, ‘કૅરૅક્ટર ગ્રે શેડ્સનું છે પણ એમ છતાં એ ઑડિયન્સને એમ બોલતું કરી દેશે કે આ માણસ જેવા ક્યારેય બનવું નહીં. સુરેન્દ્ર ખરાબ નથી, પણ તેના પર આખા ઘરની જવાબદારી છે અને એ જવાબદારીને લીધે તે એવું માનવા માંડ્યો છે કે ભૂલથી પણ હવે બીજી દીકરી તો ઘરમાં આવવી જ ન જોઈએ. પોતાની જવાબદારીના ભાર વચ્ચે તે એવો તે દબાયો છે કે તેને દીકરી, ખાસ કરીને દિવ્યાંગ દીકરી બોજ લાગવા માંડી છે. આ બોજને લીધે તે દીકરીથી ધીમે-ધીમે એટલો દૂર નીકળી ગયો છે કે હવે તેને દીકરીની લાગણીઓ દેખાતી કે સંભળાતી નથી.’

પંકજ સિંહે અગાઉ અનેક હિન્દી નાટકો અને સિરિયલો કર્યાં છે, પણ કોવિડ પછી તે પહેલી વાર ઍક્ટિંગ માટે બહાર આવ્યો છે. પંકજ કહે છે, ‘જ્યારે મેં વાર્તા સાંભળી ત્યારે જ મને થયું હતું કે આ એક એવું કૅરૅક્ટર છે જેવા બનવાનું કોઈ પસંદ ન કરે એ પ્રકારે એને કરવું જોઈએ.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK