કુરબાન હુઆમાં દુલ્હનનો લુક યાદગાર રહેશે તાન્યા શર્મા માટે

ઝીટીવીના પ્રસિદ્ધ શો ‘કુરબાન હુઆ’માં પહાડી દુલ્હન બનવું તાન્યા શર્મા માટે યાદગાર બની ગયું છે. શોમાં નીલનો લીડ રોલ રાજવીર સિંહ અને ચાહતની ભૂમિકા પ્રતિભા રંતા ભજવી રહી છે. લોકોમાં તેમની જોડી ખૂબ લોકપ્રિય છે. સ્ટોરીમાં આવેલા નવા વળાંકને લઈને દર્શકોમાં ગજબનો ઉત્સાહ છે. જે ટ્વિસ્ટ આવવાનું છે એમાં દેખાડવામાં આવશે કે કાશ્મીરાનું પાત્ર ભજવતી તાન્યા શર્મા નીલ સાથે લગ્ન કરવાની છે. તાન્યા પહાડી દુલ્હનના રૂપમાં ખૂબ સુંદર દેખાઈ રહી છે. તે આકર્ષક લાલ રંગના લહેંગામાં દેખાઈ રહી છે. તેણે પારંપરિક કુંદનનાં ઘરેણાં પહેર્યાં છે. એ વિશે તાન્યાએ કહ્યું હતું કે ‘હું સંપૂર્ણ પહાડી લગ્નનાં વસ્ત્રો પહેરીને ખૂબ ઉત્સાહી છું. લહેંગો ભભકાદાર છે અને જ્વેલરી મને ઉઠાવ આપે છે. પહાડી દુલ્હનની જેમ તૈયાર થવાનો અનુભવ ખૂબ અદ્ભુત છે. હું આ પહેલાં પણ અન્ય શોમાં દુલ્હનની જેમ તૈયાર થઈ જાઉં છું, પરંતુ આ અનુભવ આહ્‍લાદક રહ્યો છે, કારણ કે એમાં માથા પર પટ્ટી અને અન્ય ઘરેણાં પણ છે. આ લગ્નનાં વસ્ત્રોનો અનુભવ મજાનો છે. આના જેવી મજા તો એકેયમાં નથી આવી. હંમેશાં કૉસ્ચ્યુમ ભારે અને ઉપાડવા પણ મુશ્કેલ હોય છે. જોકે આ અત્યાર સુધીનો શ્રેષ્ઠ અનુભવ રહ્યો છે.’