તાપસી પન્નુની ફિલ્મ 'થપ્પડ' ટોચના ડિરેક્ટર દ્વારા હોસ્ટ કરવામાં આવશે

Published: Feb 16, 2020, 14:52 IST | Mumbai

થપ્પડએ બૉલીવુડને કર્યાં એક: અનુરાગ કશ્યપ, સુધીર મિશ્રા, હંસલ મહેતા અને વિશાલ ભારદ્વાજ આ ફિલ્મને જુદાં-જુદાં શહેરોમાં સ્ક્રીનિંગ કરશે

થપ્પડ
થપ્પડ

‘થપ્પડ’ની દેશભરમાં સ્ક્રીનીંગ કરવામાં આવે એ માટે બૉલીવુડનાં દિગ્ગજ પ્રોડ્યુસરો આગળ આવ્યા છે. ૨૮ ફેબ્રુઆરીએ રિલીઝ થનારી ડિરેક્ટર અનુભવ સિંહાની આ ફિલ્મમાં તાપસી પન્નુ અને પવેલ ગુલાટી લીડ રોલમાં છે. જોકે તેમણે રિલીઝ પહેલા જ આ ફિલ્મનો ઇન્ડિયાના વિવિધ શહેરોમાં સ્ક્રીનીંગનું આયોજન કરવાનો નિર્ણય લીધો છે. અનુરાગ કશ્યપ, સુધીર મિશ્રા, હંસલ મેહતા અને વિશાલ ભારદ્વાજ વિવિધ શહેરોમાં આ ફિલ્મની સ્ક્રીનીંગની જવાબદારી લીધી છે. ફિલ્મ વિશે અનુરાગ કશ્યપે કહ્યું હતું કે ‘આ પ્રકારની એક અવિશ્વસનીય ફિલ્મ એક સાધારણ તર્ક પર આધારિત છે. એની આપણાં દેશમાં ખૂબ જરૂર છે. આ સામાજિક પુરુષ પ્રધાન પરંપરાને ખતમ કરવા માટે આ શક્તિશાળી ફિલ્મ છે. આ અગાઉ કદી પણ‌ કોઈ ફિલ્મ જોઈને મારી આંખોમાં આંસુ નથી આ‍વ્યા. આ ફિલ્મ સાથે જોડાઈને ગર્વ થઈ રહ્યો છે. ‘થપ્પડ’ની સ્ક્રીનીંગને હૉસ્ટ કરવાની મને ખુશી છે. આ મહિલાઓ કરતાં પુરુષો માટેની ફિલ્મ છે.’

૧૮ ફેબ્રુઆરીએ દિલ્હીમાં થનારી સ્ક્રીનીંગને વિશાલ ભારદ્વાજ હૉસ્ટ કરશે. એ વિશે વિશાલ ભારદ્વાજે કહ્યું હતું કે ‘મને લાગે છે કે આ એક મહત્ત્વપૂર્ણ ફિલ્મ છે. મેં આ ફિલ્મ જોઈ છે અને પર્સનલી મને એ ખૂબ ગમી છે. હું આ ફિલ્મ અને એની સાથે સંકળાયેલી ભાવનાઓને અનુભવની સાથે પોતાની બનાવવા માગતો હતો.’

હંસલ મેહતા ૨૧ ફેબ્રુઆરીએ જયપુરમાં આયોજિત સ્ક્રીનીંગની મેજબાની કરીશે. એ વિશે હંસલ મેહતાએ કહ્યું હતું કે ‘ફિલ્મ ‘થપ્પડ’ આજના સમયની અગત્યની ફિલ્મોમાંની એક છે, જેને આજે ભારતમાં વિવિધ મુદ્દાઓ પર અવાજ બુલંદ કરનારાં ડિરેક્ટરે ડિરેક્ટ કરી છે. આ ન માત્ર એક મહત્ત્વની ફિલ્મ છે, પરંતુ ખૂબ જ સારી રીતે બનાવવામાં આવેલી ફિલ્મ છે. મારા મનપસંદ શહેર જયપુરમાં લિંગ સમાનતા અને મહિલાઓનાં અધિકારો માટે અનેક ચૅમ્પિયન્સની વચ્ચે આ ફિલ્મનો પ્રિવ્યુ રજુ કરવાનો મને ગર્વ છે. આ એક એવી ફિલ્મ છે જે દેશભરમાં ચર્ચાને વેગ આપશે. અસંવેદનશીલ પુરુષો સાવધાન થઈ જાવ.’

સુધીર મિશ્રાએ ૨૦ ફેબ્રુઆરીએ ભોપાલમાં આ ફિલ્મની સ્ક્રીનીંગની જવાબદારી લીધી છે. એ સંદર્ભે સુધીર મિશ્રાએ કહ્યું હતું કે ‘રોમાંચક સમયમાં, સામાજિક-રાજકીય ફિલ્મો બનાવવા માટે સ્વતંત્ર પ્રોડ્યુસર એક બીજાને ટેકો આપી રહ્યા છે એ એક સારી વાત છે. અનુભવે વર્તમાનમાં એવી ફિલ્મો બનાવી છે કે જેણે હાલનાં સમયની રાજકીય સ્થિતિ પર પ્રકાશ પાડ્યો છે. ‘થપ્પડ’ પણ આવી જ એક ફિલ્મ છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK