આર્યાથી સુષ્મિતા સેનનું ડિજિટલ ડેબ્યુ પ્રાઇમની સિરીઝમાં ટાઇટલ રોલ ભજવશે

Published: Feb 06, 2020, 13:21 IST | Mumbai Desk

આશરે છએક મહિના પહેલાં સુષ્મિતા સેને એક ઇન્ટરવ્યુમાં જણાવ્યું હતું કે જો કોઈ સારી સ્ક્રિપ્ટ હશે તો તે ફરી અભિનય કરવા માગે છે.

મિસ યુનિવર્સ અને બૉલીવુડ અભિનેત્રી સુષ્મિતા સેન એક લાંબા બ્રેક બાદ કમબૅક કરવા જઈ રહી છે. તે આ વખતે મોટા પડદે નહીં, પણ ડિજિટલ પ્લૅટફૉર્મ પર અભિનય કરતી જોવા મળશે. ઍમેઝૉન પ્રાઇમની આગામી વેબ-સિરીઝ ‘આર્યા’માં લીડ રોલ તરીકે સુષ્મિતા સેનનું નામ ચર્ચાઈ રહ્યું છે. આશરે છએક મહિના પહેલાં સુષ્મિતા સેને એક ઇન્ટરવ્યુમાં જણાવ્યું હતું કે જો કોઈ સારી સ્ક્રિપ્ટ હશે તો તે ફરી અભિનય કરવા માગે છે.

ઍમેઝૉન પ્રાઇમની આ વેબ-સિરીઝમાં રાજસ્થાની બૅકડ્રોપ હશે અને સુષ્મિતા ‘આર્યા’ તરીકે લીડ રોલમાં જોવા મળશે. સુષ્મિતા સેન છેલ્લે ૨૦૧૦માં આવેલી અનીસ બઝમીની ફિલ્મ ‘નો પ્રૉબ્લેમ’માં જોવા મળી હતી જેમાં અનિલ કપૂર, સંજય દત્ત, સુનીલ શેટ્ટી, કંગના રનૌત વગેરે કલાકારો હતાં.

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK