Lockdown Effects: રામાયણના લક્ષ્મણે જાતે હેર કટ કર્યા,શૅર કર્યો નવો લૂક
સુનિલ લહરી નવા લૂકમાં (તસવીર સૌજન્ય: ટ્વીટર)
કોરોના વાયરસ (COVID-19) મહામરીને કારણે લાદવામાં આવેલા લૉકડાઉને માણસોને જીવનમાં ઘણું બધું શીખવ્યું છે. લોકોએ ઘરમાં જ જીમ બનાવી દીધું છે, શાળા અને ટયુશનો પણ ઘરમાં જ આવી ગયા છે, હોટેલ જેવી વાનગીઓ લોકો ઘરમાં બનાવતા થયા છે. એટલું જ નહીં લોકો સેલ્ફ ગ્રુમિંગ કરતા થઈ ગયા છે. એટલે કે પોતાના વાળ જાતે જ કાપે છે. આ બધામાંથી સેલેબ્ઝ પણ બાકાત નથી. રામાયણના સુપરસ્ટાર લક્ષ્મણ અક્કા સુનિલ લહરીએ પણ કંઈક આવું જ કર્યું છે. તેમને જાતે જ હેર કટ કર્યા છે અને તેની તસવીર ટ્વીટર પર પોસ્ટ કરી છે.
અત્યારે અનલૉક 1.0 ચાલી રહ્યું છે. છતા કોરોનાનો ખતરો ઓછો નથી થયો. એટલે લોકો જરૂરી કામ વગર ઘરની બહાર જવાનું ટાળે છે. વાળ કપાવવા માટે લોકો સલૂનમાં જવાનું પણ ટાળે છે. રામાયણમાં લક્ષ્મણનો રોલ નિભાવનાર લક્ષ્મણ અક્કા સુનિલ લહરીએ પણ સલૂનમાં જવાને બદલે ઘરે જ વાળ કાપ્યા છે. તેમણે ટ્વીટર પર નવા લૂકની તસવીર શૅર કરતા લખ્યું છે કે, 'આ લૉકડાઉને પોતાના વાળ કાપવાની કળા પણ શીખવાડી દીધી. પરંતુ પાછળના વાળ ન કાપી શક્યો.' તસવીરમાં સુનીલ લહરીએ પોનીટેલ બાંધેલી છે.
ADVERTISEMENT
Is lock down mein sarke Bal kaatne ki Kala bhi Sikha De sirf Piche ke bal Nahin Kat Paya ?? ...this lock town has taught how to cut your own hair except back hair??? pic.twitter.com/4GFeCywGcL
— Sunil lahri (@LahriSunil) June 23, 2020
સુનિલ લહરીનો આ નવો લૂક ફૅન્સ બહુ ગમ્યો છે. તેમના આ ટ્વીટને 2.1k લાઈક્સ મળી છે. જોકે, સુનિલ પહેલા અનેક બૉલીવુડ ર્સ્ટાસે લૉકડાઉન દરમ્યાન ઘરમાં જ પોતાના વાળ કાપ્યા છે.
