રાજકુમાર બડજાત્યાને ડેડિકેટ કરી રહ્યું છે રાજશ્રી પ્રોડક્શન

રાજકુમાર બડજાત્યાને ડેડિકેટ કરી રહ્યું છે રાજશ્રી પ્રોડક્શન

સૂરજ બડજાત્યા

રાજશ્રી પ્રોડક્શન ‘દાદી અમ્મા... દાદી અમ્મા માન જાઓ!’ દ્વારા ફરી સ્મૉલ સ્ક્રીન પર કમબૅક કરી રહ્યું છે. આ શોને સૂરજ બડજાત્યા અને તેમનો દીકરો દેવાંશ એસ. બડજાત્યા સ્વર્ગીય રાજકુમાર બડજાત્યાને ડેડિકેટ કરી રહ્યા છે. સ્ટાર પ્લસ પર શરૂ થઈ રહેલા આ શોને દેવાંશ પ્રોડ્યુસ કરી રહ્યો છે. રાજશ્રી પ્રોડક્શનના ટીવી ડિપાર્ટમેન્ટને દેવાંશ સંભાળે છે. આ શોમાં દેવાંશ અને રાજકુમાર બડજાત્યા વચ્ચેના સંબંધની ઘણી ઝલક જોવા મળશે. આ વિશે સૂરજ બડજાત્યાએ કહ્યું હતું કે ‘આ શો મારા દિલની ખૂબ જ નજીક છે અને ‘પચહત્તર સાલ કે બચ્ચે’ મારા પપ્પા દ્વારા ખૂબ જ ઉપયોગમાં લેવામાં આવતું હતું. મારા પપ્પા સાથે મેં જે સમય પસાર કર્યો હતો એની પણ ઘણી ઝલક આ શોમાં જોવા મળશે. હું આ શો તેમને ડેડિકેટ કરી રહ્યો છું.’

આ શોમાં ગ્રૅન્ડ પેરન્ટ્સ અને બાળકો વચ્ચેની સ્ટોરી પર ફોકસ કરવામાં આવી રહ્યું છે. પોતાની ઍમ્બિશનને ફૉલો કરવાની સાથે ગ્રૅન્ડ પેરન્ટ્સને કેટલો સમય આપી શકે છે એના પર આ સ્ટોરી છે. સ્ટાર પ્લસ અને રાજશ્રી ત્રીજી વાર સાથે કામ કરી રહ્યાં છે. આ શોની ટૅગલાઇન છે ‘પચહત્તર સાલ કે બચ્ચે’ અને એનો ફર્સ્ટ લુક પણ જાહેર કરી દેવામાં આવ્યો છે. આ શોમાં મોહન જોશી, સીમા બિશ્વાસ, શીન દાસ અને અનઘા ભોસલે જેવા ઍક્ટર્સને પસંદ કરવામાં આવ્યાં છે.