સોનુ સૂદને દરરોજ આટલા લોકો કરે છે મદદની અપીલ, જુઓ આંકડા
સોનુ સૂદ (ફાઇલ ફોટો)
લૉકડાઉન(Lockdown) દરમિયાન લોકો માટે મસીહા બની ચૂકેલો સોનુ સૂદ(Sonu Sood) લોકોની મદદ કરવામાં ખૂબ જ આગળ વધી ગયો છે. સોનુની જે સફર મજબૂર પ્રવાસીઓની મદદથી શરૂ થઈ હતી તે હવે એટલી બધી વ્યાપક બની ગઈ છે કે તેને દેશમાં ફસાયેલા જ નહીં પણ વિદેશમાં ફસાયેલા લોકો પણ મદદ માટે અપીલ કરી રહ્યા છે.
મદદ માટે સોનુને દરરોજ કેટલા લોકો સંપર્ક કરે છે તેનો એક આછો ખ્યાલ આપતો એક મેસેજ સોનુ સૂદે ટ્વીટ કરીને જણાવ્યો હતો. સોનુ સૂદે ટ્વીટ કરીને જે આંકડા જણાવ્યા તે ખરેખર ચોંકાવનારા છે.
ADVERTISEMENT
સોનુએ ટ્વીટ કરીને લખ્યું છે કે, "1137 મેઇલ, 19000 ફેસબૂક મેસેજિસ, 4812 ઇન્સ્ટા મેસેજિસ અને 6741 ટ્વિટર મેસેજિસ. આ આજના હેલ્પ મેસેજ છે. એવરેજ આંકડા જોઇએ તો લગભગ રોજ આટલા મેસેજિસ મને મદદ માટે આવે છે. એક મનુષ્ય હોવાને નાતે એ અશક્ય છે કે તમે આ બધાં સુધી પહોંચી શકો પણ છતાં હું મારા સંપૂર્ણ પ્રયત્નો કરું છું. તેમ છતાં જો હું તમારો મેસેજ ચૂકી ગયો હોઉં તો મને ક્ષમા કરજો."
1137. mails.
— sonu sood (@SonuSood) August 20, 2020
19000. fb messages
4812. Insta messages
6741. twitter messages.
Today’s HELP messages.
On an average these are the number of requests I get for HELP. It is humanly impossible to reach out to everyone. I still try my best.
Apologies if I missed your message?
ટૂંક સમયમાં જ આવશે સોનુનું પુસ્તક
સોનુએ પોતાના મેસેજમાં છેલ્લે લખ્યું છે કે હું ક્ષમાપ્રાર્થી છું જો મેં તમારો મેસેજ મિસ કરી દીધો હોય તો. જણાવવાનું કે સોનુ સૂદે લૉકડાઉન દરમિયાન અગણિત પ્રવાસી મજૂરોને તેમના ઘરે પહોંચાડવાનું કામ કર્યું હતું. આ અંગે તે એક પુસ્તક પણ લખી રહ્યો છે જે ટૂંક સમયમાં જ માર્કેટમાં અવેલેબલ થશે.
