ગરીબોના મસીહા સોનુ સૂદને મળ્યો UNનો પ્રતિષ્ઠિત એવૉર્ડ
તસવીર સૌજન્ય: ઈન્સ્ટાગ્રામ
વ્યક્તિનું નામ છે બૉલીવુડ અભિનેતા સોનુ સૂદ (Sonu Sood). કોરોના કાળ દરમ્યાન પ્રવાસી મજૂરોના હીરો બનેલા અભિનેતા સોનુ સૂદ માટે ગર્વ કરવાની ક્ષણ આવી છે. કોઇજ પ્રકારનાં વળતરની મદદની આશા રાખ્યા વગર ગરીબોની કોરોના કાળમાં ખૂબ મદદ કરનારા અભિનેતા સોનુ સૂદને UNDPથી સન્માનિત કરવામાં આવ્યો છે. સોનુ સૂદને યુનાઇટેડ નેશન્સ ડેવલોપમેન્ટ પ્રોગ્રામ (UNDP) દ્વારા ખાસ એવોર્ડથી સન્માનિત કરવામાં આવ્યો છે.
સોનુ સૂદ બધાની મદદ માટે હંમેશા તત્પર રહે છે. કોઈપણ વ્યક્તિ હોય અભિનેતા મદદ કરવા માટે હંમેશા તૈયાર જ હોય છે. પ્રવાસી મજૂરોને ઘરે પહોચાડયા, રહેવા માટે ઘર આપ્યુ, બેરોજગારોને નોકરી આપી, વિદ્યાર્થીઓને સ્માર્ટફોન આપ્યા, પરીક્ષા કેન્દ્ર સુધી વિદ્યાર્થીઓને પહોંચાડવા સુધી દરેક પ્રકારની મદદ અભિનેતાએ કરી છે અને આજે પણ મદદ કરવા હંમેશા તત્પર હોય છે. એટલે જ અભિનેતાને યુનાઇટેડ નેશન્સ ડેવલોપમેન્ટ પ્રોગ્રામ (UNDP) દ્વારા ખાસ એવોર્ડથી સન્માનિત કરવામાં આવ્યો છે.
ADVERTISEMENT
અભિનેતા સોનુ સૂદને વર્ચ્યૂઅલ એવોર્ડ આપવામાં આવ્યો. સોમવાર સાંજે તેને આ એવોર્ડથી સન્માનિત કરવામાં આવ્યો.. એવૉર્ડ મેળવ્યા બાદ સોનુ સૂદે કહ્યું હતું કે, મેં મારા દેશવાસીઓ માટે જે કર્યું છે અને જે કરી રહ્યો છું તે બહુ ઓછું છે. હું જે કરી રહ્યો છું તે તો માત્ર એક નાનકડો ભાગ છે.
સોનુ સૂદ ઉપરાંત આ એવૉર્ડ એન્જલિના જોલી, ડેવિડ બેકહમ, લિયોનાર્ડો ડીકેપ્રીઓ, એમા વોટ્સન, લિઆમ નીસન, કેટ બ્લેન્સેટ, એન્ટીનો બેડ્રેસ, નિકોલ કિડમેન, અને પ્રિયંકા ચોપરાને પણ આપવામાં આવ્યો છે.
