ક્રાઇમ-થ્રિલર ‘બ્લાઇન્ડ’નું શૂટિંગ પૂરું કર્યું સોનમે
સોનમ કપૂર આહુજાએ તેની આગામી ક્રાઇમ-થ્રિલર ‘બ્લાઇન્ડ’નું શૂટિંગ સ્કૉટલૅન્ડના ગ્લાસ્ગોમાં પૂરું કર્યું છે. આ ફિલ્મને સ્ટાર્ટ-ટુ-ફિનિશ ૩૯ દિવસમાં કરવામાં આવી છે. આ ફિલ્મ ૨૦૧૧માં આવેલી એ જ નામની કોરિયન ક્રાઇમ-થ્રિલરની હિન્દી રીમેક છે. ફિલ્મમાં વિનય પાઠક, પૂરબ કોહલી અને લિલેટ દુબે પણ લીડ રોલમાં છે. સુજૉય ઘોષ, અવિશેક ઘોષ, મનીષા ડબ્લ્યુ, પ્રિન્સ નાહર અને હ્યુન્વુ થોમસે ફિલ્મને પ્રોડ્યુસ અને શોમ મખીજાએ ડિરેક્ટ કરી છે. ગયા વર્ષે ૨૮ ડિસેમ્બરે ફિલ્મનું શૂટિંગ શરૂ થયું હતું. ૨૦૨૧માં આ ફિલ્મ રિલીઝ કરવામાં આવશે. ફિલ્મની માહિતી ટ્વિટર પર આપતાં સોનમે ટ્વીટ કર્યું હતું કે ‘ફિલ્મ ‘બ્લાઇન્ડ’નું આ રેપ-અપ છે. થિયેટરમાં મળીશું.’