લંડનથી મુંબઈ આવ્યા બાદ ભારત સરકારનાં વખાણ કર્યાં સોનમ કપૂરે
સોનમ કપૂર
સોનમ કપૂર આહુજા તેના પતિ આનંદ આહુજા સાથે હાલમાં જ લંડનથી મુંબઈ પાછી ફરી છે. તેણે તેની આ મુસાફરીને ઇન્સ્ટાગ્રામની સ્ટોરી પર શૅર કરી હતી. તેણે ઍરપોર્ટ અને ફ્લાઇટમાં દરેક વાતની સાવચેતી રાખવામાં આવી હોવાથી દરેકનો આભાર માન્યો હતો. ઇન્ડિયામાં જેટલી કાળજી લેવામાં આવી રહી છે એટલી કાળજી લંડનમાં પણ લેવામાં નથી આવી રહી એ જોઈને સોનમ સરપ્રાઇઝ થઈ ગઈ હતી. ઇન્ડિયામાં દાખલ થનાર દરેક વ્યક્તિ પાસે છેલ્લા ૨૫ દિવસ ક્યાં-ક્યાં ટ્રાવેલ કર્યું હતું એ વિશે ફૉર્મ ભરાવવામાં આવે છે. તેમ જ દરેક વ્યક્તિનું બૉડી ટેમ્પરેચર પણ સતત ચેક કરવામાં આવી રહ્યું હોવાનું તેણે જણાવ્યું હતું. આ વિશે વધુ જણાવતાં સોનમે કહ્યું હતું કે ‘દરેક જણ તેમનું શ્રેષ્ઠ કામ કરવાની કોશિશ કરી રહ્યું છે. આપણે બધા સાથે મળીને કામ કરીશું. હું મારા પતિ સાથે ઇન્ડિયા આવી ગઈ છું અને મને કોરોના વાઇરસનાં કોઈ લક્ષણ નથી, કારણ કે આ વાઇરસથી અસરગ્રસ્ત કોઈ પણ દેશમાં અમે નહોતાં ગયાં. જોકે અમે અમારા પેરન્ટ્સ અને ગ્રૅન્ડ મધર સાથે સેલ્ફ-આઇસોલેશનમાં છીએ.’