આજના સમયમાં મુંહફટ હોવું ખૂબ મુશ્કેલ : સોહા
સોહા અલી ખાન
સોહા અલી ખાનનું કહેવું છે કે આજના સમયમાં કંઈ પણ બોલવું ભારી પડી શકે છે, ખાસ કરીને સોશ્યલ મીડિયા પર. આ વિશે વધુ જણાવતાં સોહાએ કહ્યું હતું કે ‘આજના સમયમાં મુંહફટ હોવું કોઈના પણ માટે ખૂબ જ મુશ્કેલ છે. આપણે ફ્રીડમ ઑફ એક્સપ્રેશન અને સ્પીચને સેલિબ્રેટ કરીએ છીએ, પરંતુ જ્યારે કોઈ વ્યક્તિ કંઈ બોલે તો તેને કોઈ સહન નથી કરી શકતું. તમે જ્યારે કંઈ બોલો છો તો સોશ્યલ મીડિયા પર કોઈને પણ ખોટું લાગી જાય છે અને તેઓ તમને ટ્રોલ કરવાનું શરૂ કરી દે છે.
આ પણ વાંચો: અક્ષય સાથે કામ કરવું રોહિત શેટ્ટી માટે એક અચીવમેન્ટ બરાબર છે
ADVERTISEMENT
સોશ્યલ મીડિયા પર ઘણી નફરત જોવા મળે છે. કેટલીક વાર આ કારણોસર લોકોની જૉબ પણ જતી રહે છે અને તેમણે ઘણા સંજોગોનો પણ સામનો કરવો પડે છે. આ ખૂબ જ ચિંતાનો વિષય છે અને એથી જ લોકો મુંહફટ બનવા પહેલાં બે વાર વિચાર કરે છે.’
