મિર્ઝાપુર 2 માટે મેકઅપ વગર શૂટિંગ કર્યું હતું શ્વેતા ત્રિપાઠીએ

Published: Feb 01, 2020, 12:06 IST | Mumbai

શ્વેતા ત્રિપાઠીએ ‘મિર્ઝાપુર 2’ માટે મેકઅપ વગર શૂટિંગ કર્યું હતું. આ વેબ-સિરીઝની લોકો આતુરતાથી રાહ જોઈ રહ્યા છે.

શ્વેતા ત્રિપાઠી
શ્વેતા ત્રિપાઠી

શ્વેતા ત્રિપાઠીએ ‘મિર્ઝાપુર 2’ માટે મેકઅપ વગર શૂટિંગ કર્યું હતું. આ વેબ-સિરીઝની લોકો આતુરતાથી રાહ જોઈ રહ્યા છે. સિરીઝમાં તે ગોલુના રોલમાં જોવા મળશે. તેના શૉર્ટ હેરવાળો લુક જોવા મળશે. એ વિશે શ્વેતાએ કહ્યું હતું કે ‘આ શો માટે મેં મેકઅપ વગર શૂટ કર્યું હતું. હું શૂટ માટે જતી ત્યારે માત્ર સનસ્ક્રીન લગાવીને જતી હતી. ‘મિર્ઝાપુર’ તો ઘણા મહિનાઓનું કમિટમેન્ટ છે. એથી શરૂઆતમાં અમે નક્કી કર્યું હતું કે મારો શૉર્ટ હેરવાળો લુક રહેશે. બાદમાં વિચાર આવ્યો કે વાળ કાપી નાખવામાં આવે. જોકે એનાથી મારા અન્ય પ્રોજેક્ટ પર અસર પડશે, મારે આ લુકમાં ઘણા મહિનાઓ સુધી રહેવાનું હતું. સાથે જ મેં વિગ પહેરવાના આઇડિયાને પણ નકારી દીધો હતો, કારણ કે બનારસમાં આકરા તડકામાં શૂટિંગ કરવાનું હતું. જોકે એમાં ખૂબ મજા આવી હતી. અમે ઘણા સમય સુધી એના પર વિચારણા કરી અને અંતે ડિરેક્ટર ગુરુએ મને વાળ કાપવાની સલાહ આપી હતી.’

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK