નવાઝુદ્દીનની સિરિયસ મૅનમાં સાથે નૅશનલ અવૉર્ડ વિનર શ્વેતા બાસુ પ્રસાદ
શ્વેતા બાસુ પ્રસાદ
નવાઝુદ્દીન સિદ્દીકીની ‘સિરિયસ મૅન’ વેબ-સિરીઝ જાણીતા લેખક મનુ જોસેફની આ જ નામની નૉવેલ પરથી બનાવવામાં આવી રહી છે. ‘સિરિયસ મૅન’ની વાર્તા પિતા અને તેના ૧૦ વર્ષના દીકરા પર છે. આ વાર્તામાં ફીમેલ કૅરૅક્ટરને ખાસ ડેવલપ કરવામાં નથી આવ્યું પણ ડિરેક્ટર સુધીર મિશ્રાએ એ કૅરૅક્ટર ડેવલપ કરવાની બાંયધરી આપી એટલે ૧૨ વર્ષની ઉંમરે ‘મકડી’ ફિલ્મમાં નૅશનલ અવૉર્ડ જીતનારી અને હમણાં ‘ધી તાશ્કંદ ફાઇલ્સ’માં જોવા મળેલી શ્વેતા બાસુ પ્રસાદે વેબ-સિરીઝ સાઇન કરી છે.
આ પણ વાંચો : ધી ફૅમિલી મૅન : ઇન્ટેલિજન્સ ઑફિસર બનશે મનોજ બાજપાઈ
ADVERTISEMENT
ક્રિસમસ વેકેશનમાં રિલીઝ થનારી આ વેબ-સિરીઝમાં હજી પણ કાસ્ટિંગ ચાલુ છે અને બોર્ડ પર હજી મોટાં નામો જોડાય એવી શક્યતા છે. આ વેબ-સિરીઝ ધારાવીની ઝૂંપડપટ્ટીમાં રહેતા એક પિતા-પુત્ર પર આધારિત છે. બાપ દીકરાને જિનીયસ-ચાઇલ્ડ ગણાવીને લોકોને ઠગે છે અને એક દિવસ દીકરા પર જોખમ આવે છે એટલે બાપ દીકરાને બચાવવા માટે જીવનમાં પહેલી વાર સિરિયસ બને છે.
