સાઉથમાં ઉડાન ભરી શર્લી સેટિયાએ
સાઉથમાં ઉડાન ભરી શર્લી સેટિયાએ
શર્લી સેટિયા તેની પહેલી તેલુગુ ફિલ્મમાં નાગ શૌર્ય સાથે કામ કરવાને લઈને ખૂબ ઉત્સાહી છે. ફિલ્મનું ટાઇટલ હજી સુધી નક્કી નથી કરવામાં આવ્યું. આ વર્ષે એનું શૂટિંગ શરૂ થાય એવી શક્યતા છે. શર્લી ‘નિકમ્મા’ દ્વારા બૉલીવુડમાં એન્ટ્રી કરી રહી છે. આ ફિલ્મને અનીશ કૃષ્ણા ડિરેક્ટ અને ઉષા મૂલપુરી પ્રોડ્યુસ કરશે. ટ્વિટર પર નાગ શૌર્ય સાથેનો ફોટો શૅર કરીને શર્લીએ ટ્વીટ કર્યું હતું કે ‘નાગ શૌર્ય સાથેની મારી તેલુગુ ફિલ્મની જાહેરાત કરીને હું ખૂબ ઉત્સાહી છું. આ ફિલ્મને અનીશ કૃષ્ણા ડિરેક્ટ અને ઉષા મૂલપુરી ઇરા ક્રીએશન્સના બૅનર હેઠળ પ્રોડ્યુસ કરશે.’