પઠાણનું શૂટિંગ શરૂ કર્યું શાહરુખે?
શાહરૂખ ખાન
શાહરુખ ખાને ‘પઠાણ’નું શૂટિંગ શરૂ કર્યું હોય એવી શક્યતા લાગી રહી છે. તે હાલમાં જ યશરાજ ફિલ્મ્સના સ્ટુડિયો બહાર જોવામાં આવ્યો હતો. એથી તેના ફૅન્સ પણ ખૂબ ખુશીથી ઝૂમી ગયા છે. તે છેલ્લે ‘ઝીરો’માં જોવા મળ્યો હતો.
શાહરુખે શૂટિંગ શરૂ કર્યું છે એ વાત લોકોને જાણ થતાં ટ્વિટર પર તેને ટ્રેન્ડ કરવામાં આવી રહ્યો છે. કેટલાક ફૅન્સે શાહરુખની સરખામણી સાવજની ગર્જના સાથે કરી છે.
ADVERTISEMENT
તો એક ફૅન તો એટલો ભાવુક થઈ ગયો કે તેણે જણાવ્યું કે આ બૉલીવુડમાં નવા યુગની શરૂઆત છે. આ ફિલ્મમાં શાહરુખ સાથે જૉન એબ્રાહમ અને દીપિકા પાદુકોણ પણ જોવા મળશે એવી શક્યતા છે. ચર્ચા એવી પણ છે કે નાનકડી ભૂમિકામાં સલમાન ખાન પણ દેખાશે. ફિલ્મને સિદ્ધાર્થ આનંદ ડિરેક્ટ કરશે.