શાહરુખ ખાનનો ડિજિટલ ડેબ્યુ, શું નેટફ્લિક્સની વેબસિરીઝમાં દેખાશે ?
બોલીવુડના બાદશાહ શાહરુખ ખાને ફિલ્મ ઝીરો બાદ બીજી કોઈ ફિલ્મ સાઈન નથી કરી. જેને કારણે શાહરુખ ખાનના ફેન્સ પરેશાન છે. પરંતુ અચાનક જ શાહરુખ ખાન નેટફ્લિક્સ ઈન્ડિયાના એક પ્રોમોમાં દેખાયા છે. આ ફ્રોમો ખુદ નેટફ્લિક્સ ઈન્ડિયાએ શૅર કર્યો છે, જેને જોઈને તમામ લોકો ચોંકી ઉઠ્યા છે. આ પ્રોમો સોશિયલ મીડિયા પર પણ વાઈરલ થયો છે.
તાજેતરમાં જ નેટફ્લિક્સ ઈન્ડિયાએ શાહરુખ ખાનના પ્રોમોનો વીડિયો શૅર કર્યો છે, જેમાં સાથે લખવામાં આવ્યું છે કે શાહરુખ હવે ફરી કોલની રાહ જોઈ રહ્યા છે.
ADVERTISEMENT
આ પ્રોમોમાં દેખાય છે કે શાહરુખ ખાન પાસે ઈન્ટરોગેટરનું કામ આપવા માટે એક ફોન કૉલ છે, જેને સાંભળીને શાહરુખ ઉત્સાહિત થઈ જાય છે અને પોતાના જ વખાણ કરતા કહે છે કે હું તમામ પ્રકારના રોલ કરી શકું છું. અચાનક જ તેમને ક્યાલ આવે છે કે આ કોલ કોઈ ફિલ્મના રોલ માટે નહોતો, જેને જોઈને શાહરુખ ખાન પરેશાન થઈ જાય છે. બાદમાં તેમને કહેવામાં આવે છે કે આ કૉલ ઈન્ટેલિનજન્સ એજન્સી માટે હતો. જો કે શાહરુખ કંઈ સમજે તે પહેલા જ કૉલ કપાઈ જાય છે.
Still waiting on that callback, @iamsrk. pic.twitter.com/JJygsX9Wfw
— Netflix India (@NetflixIndia) August 19, 2019
આ પ્રોમો વીડિયોના અંતમાં લખેલું આવે છે કે પિક્ચર અભી બાકી હૈ. સાથે જ કહેવામાં આવ્યું છે કે પ્રોમો અંગે વધુ માહિતી 22 ઓગસ્ટે આપવામાં આવશે. આ વીડિયો જોયા બાદ હવે બધા એ જ વિચારી રહ્યા છે કે શાહરુખ પોતાના ફેન્સ માટે શું નવું લઈને આવી રહ્યા છે.
આ પણ વાંચોઃ RIP Khayyam: જુઓ લેજન્ડરી કંપોઝરની રૅર તસવીરો
ઉલ્લેખનીય છે કે 29 સપ્ટેમ્બરે નેટફ્લિક્સ પર રિલીઝ થનારી સિરીઝ ધ બાર્ડ ઓફ બ્લડને શાહરુખ ખાનની રેડ ચિલીઝ પ્રોડક્શન દ્વારા પ્રોડ્યુસ કરવામાં આવી છે. ત્યારે શાહરુખ ખાનનો આ પ્રોમો વીડિયો તેમના પ્રોડક્શન હાઉસ અંતર્ગત બનેલી આ વેબસિરીઝ માટે પણ હોઈ શકે છે. આ વેબસિરીઝમાં ઈમરાન હાશ્મી લીડ રોલમાં દેખાશે.
