ઑનલાઇન અન્ડરવેઅર ખરીદવાનું પસંદ નથી શાહરુખને
શાહરુખ ખાન
શાહરુખ ખાનને ઑન-લાઇન અંડરવેઅર ખરીદવું અનકમ્ફર્ટેબલ લાગે છે. ઍમેઝોનનાં ગ્લોબલ CEO (ચીફ એક્ઝીક્યુટીવ ઑફિસર) જેફ બેઝોસ સાથે શાહરુખની મુલાકાત એક ઇવેન્ટમાં થઈ હતી. જેફ બેઝોસ અને ઝોયા અખ્તર સાથેનો ફોટો ટ્વિટર પર શૅર કરીને શાહરુખે ટ્વીટ કર્યું હતું કે ‘ફનની સાથે જોરદાર ઝોયા અખ્તર અને જબરદસ્ત જેફ બેઝોસ સાથે ઘણું બધુ શીખવા મળ્યુ હતું. આ ઇવેન્ટ આયોજિત કરવા માટે હું સૌનો આભાર માનું છું. અપર્ણા, ગૌરવ અને વિકી તમારી ઉદારતા માટે આભાર. અમીત અગરવાલ તારી બૉ-ટાઇ અદ્ભુત હતી.’
આ ઇવેન્ટ દરમ્યાન કઈ સાઇટ પરથી શું ખરીદી કરે છે એ વિશે જણાવતાં શાહરુખે કહ્યું હતું કે ‘હું મારી બ્રૅન્ડનો પ્રચાર કરી રહ્યો છું. હું ઍમેઝોન પરથી બુક્સની ખરીદી કરું છું. ગ્રોસરી હું બિગ બાસ્કેટમાંથી ખરીદુ છું. જોકે આજે પણ ઑન-લાઇન અંડરવેઅર ખરીદવું મને પસંદ નથી.’
ADVERTISEMENT
શાહરુખના ગોલ્ડ મેડલ અબરામ રેસમાં જીત્યો સિલ્વર અને બ્રૉન્ઝ મેડલ
શાહરુખ ખાનનાં દીકરા અબરામે રેસમાં મેડલ્સ જીત્યા હતાં. શાહરુખે સોશ્યલ મીડિયા પર આ સમાચાર શૅર કરીને ખૂશી વ્યક્ત કરી છે. અબરામની સ્કૂલમાં રેસ કોમ્પિટીશન હતી. મેડલ અને સર્ટીફિકેટનો ફોટો શૅર કરીને શાહરુખે ટ્વીટ કર્યું હતું કે ‘રેસમાં દિવસ પસાર કર્યો છે. મારા નાનકડા ‘ગોલ્ડ મેડલ’ અબરામે આજની રેસમાં સિલ્વર અને બ્રોન્ઝ મેડલ જીત્યા છે.’