સરોજ ખાન મારી જેન્યુઇન ડાન્સ ટીચર હતી: શાહરુખ

Published: Jul 04, 2020, 12:56 IST | Gujarati Mid-day Correspondent | Mumbai

અગાઉ પણ શાહરુખે એક ઇન્ટરવ્યુમાં કહ્યું હતું કે સરોજ ખાન તેની મમ્મીને જેમ દેખભાળ રાખતાં હતાં

શાહરુખ ખાનનું કહેવું છે કે સરોજ ખાન તેની ખરી ડાન્સ ટીચર હતી. સરોજ ખાનનું મૃત્યુ થતાં શાહરુખ ખાને ટ્વીટ કર્યું હતું કે ‘ફિલ્મ-ઇન્ડસ્ટ્રીમાં તેઓ મારાં જેન્યુઇન ડાન્સ ટીચર હતાં. તેમણે મને કલાકો સુધી ફિલ્મ ડાન્સિંગ શીખવ્યું છે. મને મળેલી તમામ વ્યક્તિઓમાં તેઓ ખૂબ જ કૅરિંગ અને લવિંગ વ્યક્તિ હતાં. હું તમને મિસ કરીશ સરોજજી. અલ્લાહ તમારા આત્માને શાંતિ આપે. મારું ધ્યાન રાખવા બદલ તમારો આભાર.’

આ અગાઉ પણ શાહરુખે એક ઇન્ટરવ્યુમાં કહ્યું હતું કે સરોજ ખાન તેની મમ્મીને જેમ દેખભાળ રાખતાં હતાં. આ વિશે શાહરુખે કહ્યું હતું કે ‘મારા શરૂઆતના દિવસોમાં હું ખૂબ જ કામ કરી રહ્યો હતો. હું ત્રણ શિફ્ટમાં કામ કરતો હતો અને એક વાર હું સરોજજી સાથે કામ કરી રહ્યો હતો. હું થાકી ગયો હોવાથી સરોજજીને મેં કહ્યું હતું કે બહોત કામ હૈ, થક ગયા હૂં. તેમણે પ્રેમથી મમ્મીની જેમ મને ગાલ પર મારીને કહ્યું હતું કે ક્યારેય એવું નહીં કહેવાનું કે બહુ કામ છે. આ લાઇનમાં ક્યારેય વધુ કામ નથી હોતું. હું પોતાને નસીબદાર માનું છું કે મારી પાસે કયું કામ કરવું એની ઘણીબધી પસંદગી છે.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK