ગેમ ઓફ થ્રોન્સ સિઝન 8નો બીજો એપિસોડ લીક, મેકર્સને લાગ્યો મોટો ઝટકો
ગેમ ઓફ થ્રોન્સનો બીજો એપિસોડ લીક
દુનિયાની સૌથી વધુ જોવામાં આવનાર ટીવી સીરિઝ ગેમ ઓફ થ્રોન્સનો બીજો એપિસોડ ઓન એર થતા પહેલા જ લીક થઈ ગયો છે. જેનાથી મેકર્સને મોટો ઝટકો લાગ્યો છે. આ પહેલા પણ આ ટીવી સીરિઝનો પહેલો એપિસોડ રીલિઝ થતા પહેલા જ લીક થઈ ગયો હતો.
ગયા અઠવાડિયે જ શરૂ થઈ છે ફાઈનલ સીઝન
ગેમ ઓફ થ્રોન્સ સીરિઝની આઠમી સીઝન ગયા અઠવાડિયાથી જ શરૂ થઈ છે. આ સીરિઝની ફાઈનલ સીઝન છે. ગયા રવિવારે તેના પહેલો એપિસોડ લીક થઈ ગયો હતો. જેનાથી શોના મેકર્સ અને તેની રાહ જોઈ રહેલા દર્શકોને મોટો ઝટકો લાગ્યો હતો. અને હવે બીજો એપિસોડ પણ લીક થઈ ગયો છે. અહેવાલો પ્રમાણે રવિવારે ગેમ ઓફ થ્રોન્સના સીઝન 8નો બીજો એપિસોડ HBO પર ઓન એર થવાનો હતો પરંતુ તેના બે કલાક પહેલા જ તે એપિસોડ લીક થઈ ગયો.
You can legally watch leaked episode on Amazon in Germany. #GameofThrones pic.twitter.com/0mN08RFYvz
— Vladimir (@Bladimir_____) April 21, 2019
ADVERTISEMENT
બ્લાદિમિર નામના ટ્વિટ્ટર અકાઉંટમાંથી લખેલી પોસ્ટમાં જણાવવામાં આવ્યું છે કે એપિસોડ લીક થઈ ચુક્યો છે. આ પોસ્ટમાં જોવા મળી રહ્યું છે કે એપિસોડ એમેઝોન પ્રાઈમ જર્મની પર લીક થયો. આ અકાઉંટના માધ્યમથી સ્ક્રીન શૉટ પણ શેર કરવામાં આવ્યો છે.
The Great War is here.#GameofThrones begins in 10 minutes. pic.twitter.com/Jb9agsi7VL
— Game of Thrones (@GameOfThrones) April 15, 2019
આ પહેલા અમેરિકા અને યૂનાઈટેડ કિંગડમમાં પણ ગેમ ઓફ થ્રોન્સ ફાઈનલ સીઝનનો પહેલો એપિસોડ લીક થયો હતો. જેના કારણે મેકર્સ અને ડિસ્ટ્રીબ્યૂટર્સને ભારે નુકસાન સહન કરવું પડ્યું હતું.
આ પણ વાંચોઃ Game of Thrones season 8નો પહલો એપિસોડ ભારત, અમેરિકા અને યૂકેમાં પણ લીક
ગેમ ઓફ થ્રોન્સ અમેરિકન લેખક જ્યૉર્જ આર આર માર્ટિનની બુક પર આધારિત કાલ્પનિક ટીવી સીરીઝ છે. આ બુકનું નામ અ સૉંગ ઑફ આઈસ એંડ ફાયર છે. આ સીરીઝના અત્યાર સુધી સાત સીઝન ટીવી પર આવી ચુક્યા છે. ગયા અઠવાડિયે તેની છેલ્લી સીઝન શરૂ થઈ છે.