સંજય લીલા ભણસાલી નાના પડદાથી લલચાયા
આ સાથે તેઓ પોતાના પ્રોડક્શન હાઉસને માત્ર મોટા પડદા સુધી સીમિત નથી રાખવા માગતા એ ચોક્કસ દેખાઈ આવે છે.
ADVERTISEMENT
એવી ચર્ચા છે કે અત્યારે સંજય લીલા ભણસાલી ટોચની બે ચૅનલો સાથે પોતાના આ ટીવી પરના પ્રોજેક્ટ માટે વાતચીત કરી રહ્યા છે. સંજય લીલા ભણસાલીનું જે મોટું નામ છે એ રીતે ટીવીચૅનલ સાથે સંકળાયેલા લોકો તેમને એક એપિસોડના પચીસથી ત્રીસ લાખ રૂપિયા આપવા માટે તૈયાર છે, જ્યારે સામાન્ય ટીવી-શોના એક એપિસોડ માટે દસથી બાર લાખ રૂપિયાનું બજેટ ફાળવવામાં આવતું હોય છે.
સંજય લીલા ભણસાલી પણ યશ ચોપડા કે આદિત્ય ચોપડાની જેમ જ આ ટીવી-શોને માત્ર પ્રોડ્યુસ કરશે. તેઓ ડિરેક્ટર તરીકે કોઈ પ્રોજેક્ટમાં ભાગ નહીં લે. એવી પણ ચર્ચા છે કે જેમ સંજય લીલા ભણસાલીએ પોતાના પ્રોડક્શન હેઠળ નવા ડિરેક્ટરો સાથે કામ કરવાનું શરૂ કર્યું છે એમ જ તેઓ ટીવીમાં પણ નવી ટૅલન્ટને બહાર લાવવાની કોશિશ કરશે.