ચુલબુલ પાન્ડેનો હવે ઍનિમેટડ અવતાર જોવા મળશે
સલમાન ખાનની પૉપ્યુલર ફિલ્મ ફ્રૅન્ચાઇઝી ‘દબંગ’ને હવે ઍનિમેટેડ સિરીઝમાં રજૂ કરવામાં આવશે. આ ફિલ્મમાં સલમાને સુપરકોપ ચુલબુલ પાન્ડેનું પાત્ર ભજવ્યું હતું. આ ઍનિમેટેડ સિરીઝમાં સોનુ સૂદનું છેદી સિંહ, સોનાક્ષી સિંહાનું રજ્જો અને વિનોદ ખન્નાનું પ્રજાપતિજીનું પાત્ર પણ જોવા મળશે. આ વિશે અરબાઝ ખાનનું કહેવું છે કે ‘અમારી ‘દબંગ’ની યુએસપી એ છે કે એ એક સંપૂર્ણ ફૅમિલી એન્ટરટેઇનર ફિલ્મ છે. આથી અમે આ સિરીઝને આગળ લઈ જવા માટે એના પર ઍનિમેશન સિરીઝ બનાવી રહ્યા છીએ. આ મીડિયમ પર અમે અમારી મરજી મુજબની સ્ટોરીટેલિંગ દ્વારા એને રજૂ કરી શકીએ છીએ. આ માટે અમે શૉર્ટ સ્ટોરીઝ ફૉર્મેટનો ઉપયોગ કરીશું જેથી એને વધુ એક્સાઇટિંગ બનાવી શકાય. ચુલબુલ પાન્ડે એક લાર્જર ધેન લાઇફ પાત્ર છે અને એના ઍડ્વેન્ચરને વધુ સુંદરતાથી દેખાડવામાં આવશે.’