આગામી ફિલ્મમાં શિવનો રોલ કરશે સલમાન : પાર્વતીની તલાશ

Published: 26th November, 2014 05:01 IST

૨૦૧૦માં આવેલી અમીષ ત્રિપાઠીની નવલકથા ‘ધી ઈમ્પોર્ટલ્સ ઑફ મેલુહા’ પર આધારિત કરણ જોહર એક ફિલ્મ બનાવવા માગતો હતો જે કેટલાંક કારણોસર અટકી પડી હતી.

હાલમાં જાણવા મળ્યું છે કે આ નવલકથા પર આધારિત ફિલ્મમાં સલમાન ખાનને શિવની ભૂમિકા ભજવવા માટે સાઇન કરી લેવામાં આવ્યો છે, જ્યારે તેની પાર્વતીની શોધ હજી ચાલુ છે. કરણ જોહરની આ ફિલ્મનું ડિરેક્શન કરણ મલ્હોત્રા કરશે. જોકે આ નવલકથામાં શિવ વિશે જણાવેલી બાબતોને ધ્યાનમાં લઈને કેટલાંક ધાર્મિક સંગઠનોએ વાંધો ઉઠાવ્યો હતો જેના કારણે આ ફિલ્મ પર પણ ચર્ચા શરૂ થઈ ચૂકી છે.

આ ફિલ્મમાં પહેલાં શિવ-પાર્વતીના લીડ રોલ માટે હૃતિક રોશન અને કરીના કપૂર-ખાનને પસંદ કરવામાં આવ્યાં હતાં, પણ હૃતિકની બ્રેઇન-સર્જરી અને ‘બૅન્ગ બૅન્ગ’ને કારણે આ ફિલ્મ છાપરે ચડી ગઈ હતી. ત્યાર બાદ કરીનાએ પણ ફિલ્મમાંથી પોતાનું નામ પાછું ખેંચી લીધું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK