સલમાન ખાન માટે ગ્રૅન્ડ સેલિબ્રેશન
સલમાન ખાન 27 ડિસેમ્બરે એટલે કે રવિવારે 55 વર્ષનો થઈ રહ્યો છે. આ માટે ‘બિગ બૉસ’ના વીક-એન્ડ વારમાં ગ્રૅન્ડ સેલિબ્રેશનનું આયોજન કરવામાં આવ્યું છે. આ માટે રવીના ટંડન, જૅકલિન ફર્નાન્ડિસ, શેહનાઝ ગિલ અને ધર્મેશ યેલાન્ડે સ્ટેજ પર હાજરી આપશે. તેઓ ડાન્સ પર્ફોર્મન્સ, મસ્તી, ગેમ્સ અને પાર્ટીનો માહોલ બનાવી સલમાનના બર્થ-ડેને સ્પેશ્યલ બનાવશે. ધર્મેશ યેલાન્ડે સલમાન માટે પર્ફોર્મન્સ આપશે. તેમ જ શેહનાઝની ‘તૌડા કુત્તા ટૉમી સાડા કુત્તા કુત્તા’ મોમેન્ટને ફરી જીવંત કરશે. રવીના અને જૅકલિન પણ તેમના ચાર્મ અને સરપ્રાઇઝ લઈને આવશે.
