Dabangg 3 Box Office Collection Day 4: પહોંચી 100 કરોડની આટલી નજીક
ઓપનિંગ વીકએન્ડમાં નાગરિકચા સંશોધન કાનૂનને લઈને વિરોધ-પ્રદર્શનોને કારણે પ્રભાવિત થયેલી દબંગ 3ના કલેક્શન્સમાં સોમવારે ઘટાડો થયો છે. સોમવારના દબંગ 3એ 10.70 કરોડની કમાણી કરી છે. સોમવારના ફિલ્મોના કલેક્શન્સમાં સામાન્ય રીતે ઘટાડો થાય છે, કારણકે વર્કિંગ ડે શરૂ થઈ જાય છે, પણ દબંગ 3ના કલેક્શન્સની તુલના જો રવિવારના કલેક્શન્સ સાથે કરીએ તો લગભગ 66 ટકાનો ઘટાડો થયો છે.
રવિવારે ફિલ્મે 31.90 કરોડ રૂપિયાનું કલેક્શન કર્યું હતું, આ પહેલા ફિલ્મે 20 ડિસેમ્બર એટલે શુક્રવારના 24.50 કરોડની ઓપનિંગ કરી હતી, જ્યારે શનિવારે ફિલ્મે 24.75 કરોડ જમા કર્યા હતા. આ રીતે ઓપનિંગ વીકએન્ડ જ ફિલ્મે 81.15 કરોડનું કલેક્શન કરી લીધું હતું. હવે સોમવારના કલેક્શન્સને જોડવામાં આવે તો દબંગ 3નું ચાર દિવસનું નેટ કલેક્શન લગભગ 91.85 કરોડ થઈ ગયું છે. 100 કરોડના પડાવ સુધી પહોંચવા માટે દબંગ 3ના હવે 8.15 કરોડની જરૂર છે. આશા છે કે ફિલ્મની આ કમાણી મંગળવારે થઈ જશે.
ADVERTISEMENT
દબંગ 3ને ઓપનિંગ વીકએન્ડમાં CAA પ્રૉટેસ્ટને કારણે ખૂબ જ નુકસાન પણ ઉઠાવવું પડ્યું હતું. ટ્રેડ જાણકારો પ્રમાણે જો સ્થિતિઓ સામાન્ય હોત તો દબંગ 3ના ઓપનિંગ વીકએન્ડમાં લગભગ 12 કરોડની રકમ વધારે થઈ શકી હોત. જો આવું થયું હોત તો રિલીઝના ચાર દિવસમાં દબંગ 3 સો કરોડના પડાવને સરળતાથી પાર કરી શકી હોત. આજે મંગળવારે ક્રિસમસના તહેવારની ધૂમધામ શરૂ થવાને કારણે દબંગ 3ના કલેક્શન્સમાં ઉછાળો આવવાની શક્યતા છે.
#Dabangg3 collects in double digits on Day 4... Not performing at optimum levels... Needs to recover lost ground today evening onwards + tomorrow #Christmas... Fri 24.50 cr, Sat 24.75 cr, Sun 31.90 cr, Mon 10.70 cr. Total: ₹ 91.85 cr. #India biz. Note: All versions.
— taran adarsh (@taran_adarsh) December 24, 2019
દબંગ 3 પ્રભુદેવાએ નિર્દેશિત કરી છે. ફિલ્મમાં સલમાન ખાન સાથે સોનાક્ષી સિન્હા, સઇ માંજરેકર અને કિચ્ચા સુદીપ મુખ્ય ભૂમિકાઓમાં છે. દબંગ 3 માટે આ અઠવાડિયું મહત્વનું છે, કારણકે આવતાં શુક્રવારે (27 ડિસેમ્બર)થી અક્ષય કુમારની ફિલ્મ ગુડ ન્યૂઝ રિલીઝ થઈ જશે, જેને લઈને દર્શકોની સાથે સાથે ટ્રેડમાં પણ ખૂબ જ ઉત્સુકતા છે. ગુડ ન્યૂઝ રાજ મેહતાએ નિર્દેશિત કરી છે.
આ પણ વાંચો : આ તસવીરોથી સોશિયલ મીડિયા પર ધૂમ મચાવી રહી છે આ ગુજરાતી અભિનેત્રી
આ એક કૉમેડી ડ્રામા છે, જેમાં આઇવીએફ ટેક્નિક દ્વારા પ્રેગ્નેન્સીને સ્ટોરીનો આધાર બનાવવામાં આવ્યું છે. ફિલ્મમાં અક્ષય કુમાર સાથે કરીના કપૂર ફીમેલ લીડ રોલમાં છે. તો, દિલજીત દોસાંઝ અને કિયારા અડવાણી પણ મુખ્ય સ્ટાર કાસ્ટનો ભાગ છે.
