કોપ-ઍક્શન ડ્રામા ફિલ્મ વિશે સલમાને કહ્યું, વૉન્ટેડનો પણ બાપ છે રાધે

Published: Oct 25, 2019, 10:20 IST | મુંબઈ

સલમાન ખાનનું કહેવું છે કે કોપ-ઍક્શન ડ્રામામાં ‘રાધે’ સૌનો બાપ હશે. સલમાનની ‘દબંગ 3’ ૨૦ ડિસેમ્બરે રિલીઝ થઈ રહી છે.

સલમાન ખાન
સલમાન ખાન

સલમાન ખાનનું કહેવું છે કે કોપ-ઍક્શન ડ્રામામાં ‘રાધે’ સૌનો બાપ હશે. સલમાનની ‘દબંગ 3’ ૨૦ ડિસેમ્બરે રિલીઝ થઈ રહી છે. આ ફિલ્મમાં તે પોલીસ ઑફિસર ચુલબુલ પાંડેનું પાત્ર ભજવી રહ્યો છે. આ ફિલ્મ બાદ તે ઈદ પર ફરી ‘રાધે’ લઈને આવી રહ્યો છે. ‘રાધે’માં પણ તે પોલીસના પાત્રમાં જોવા મળશે. ‘વૉન્ટેડ’ અને ‘દબંગ 3’ને ડિરેક્ટર કરનાર પ્રભુ દેવા ‘રાધે’ને પણ ડિરેક્ટ કરશે. આ ફિલ્મ વિશે પૂછતાં સલમાને કહ્યું હતું કે ‘મારી ‘તેરે નામ’માં મારા પાત્રનું નામ રાધે હતું. આ જ નામને અમે ‘વૉન્ટેડ’માં ઉપયોગ કર્યો હતો. જોકે આ ‘રાધે’ એકદમ અલગ ફિલ્મ છે. આ ફિલ્મને ‘વૉન્ટેડ’ સાથે કોઈ લેવા-દેવા નથી. જો તમે કોપ-ઍક્શન ડ્રામા વિશે વાત કરી રહ્યાં હો તો ‘વૉન્ટેડ’નો પણ બાપ છે ‘રાધે’.

આ પણ વાંચો : કિયારાએ સપનામાં પણ નહોતું વિચાર્યું કે તે હૉરર-કૉમેડી કરશે

રાધેની જાહેરાત દબંગ 3 સાથે કેમ કરવામાં આવી?

સલમાન ખાને તેની ‘રાધે’ની જાહેરાત ‘દબંગ 3’ સાથે કરી છે અને આ પાછળ એક ચોક્કસ કારણ છે. આ બન્ને ફિલ્મમાં તે પોલીસનું પાત્ર ભજવી રહ્યો છે એટલે નહીં, પરંતુ બન્ને ફિલ્મોને ચર્ચામાં રાખવા માટે આમ કરવામાં આવ્યું હતું. આ વિશે પૂછતાં સલમાને કહ્યું હતું કે ‘જો અમે ‘રાધે’ને અલગથી જાહેર કરતે તો ‘દબંગ 3’ વિશે ચર્ચા ઓછી થઈ જતે. લોકો ફક્ત ‘રાધે’ વિશે જ ચર્ચા કરતે. આજ કારણ છે કે અમે બન્ને ફિલ્મોને સાથે રાખીને ‘રાધે’ જાહેર કરી હતી.’

Loading...
 
 
Loading...
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK