...અને સલમાનનો ગુસ્સાનો પારો ચડી ગયો

Published: 12th December, 2012 06:06 IST

એક રિયલિટી શોમાં તેના બાળપણના ફોટો તરીકે બીજા કોઈકનું પિક્ચર દેખાડતાં તેના ગુસ્સાનો પારો ચડી ગયો



સલમાન ખાન તેના ગુસ્સાવાળા સ્વભાવને કારણે કુખ્યાત છે. તાજેતરમાં એક રિયલિટી શોના સર્જકોને આ વાતનો પરચો મળી ગયો હતો. હકીકતમાં સલમાન અને સોનાક્ષી સિંહા આ રિયલિટી શોના સેટ પર તેમની આગામી ફિલ્મ ‘દબંગ ૨’ના પ્રમોશન માટે ગયાં હતાં. આ શોના સર્જકોએ સલમાન માટે ખાસ તેના બાળપણની તસવીરોનો સ્લાઇડ-શો બનાવ્યો હતો. જોકે આમાંથી એક ફોટોમાં તેના બાળપણના ફોટો તરીકે બીજા કોઈકનું પિક્ચર દેખાતાં તેના ગુસ્સાનો પારો ચડી ગયો હતો.

આ ઘટના વિશે વાત કરતાં સેટ પર હાજર એક વ્યક્તિ કહે છે, ‘સલમાન આ ઘટનાથી બહુ ગુસ્સે ભરાયો હતો. તેણે વારંવાર એ તરફ સર્જકોનું ધ્યાન ખેંચ્યું હતું. સલમાન નિયમિત આ શોમાં આવે છે અને આને કારણે તેનું અપસેટ થવું સ્વાભાવિક હતું. આ ઘટનાથી સલમાન એટલોબધો ગુસ્સે ભરાયો હતો કે તેણે સ્ટુડિયોની બહાર તેની રાહ જોઈ રહેલા મિડિયા સાથે વાત કરવાનું પસંદ નહોતું કર્યું.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK