ઍશની વૅનની ફરતે સલ્લુએ સાઇકલ લઈને આંટા માર્યા

Published: 16th December, 2012 03:23 IST

સલમાનને સાઇકલ લઈને અહીંતહીં ફરવાનું બહુ ગમે છે એ તો હવે સૌ જાણે છે. સાઇક્લિંગ કરીને તે ફિટ રહે છે.

થોડા દિવસ પહેલાં તે બાંદરાના મેહબૂબ સ્ટુડિયોમાં સાઇકલ ચલાવતો જોવા મળેલો. સલમાને ‘દબંગ ૨’ માટે મિડિયાને ઇન્વાઇટ કર્યું હતું. એ જ દિવસે સલમાનને થોડો ફાજલ સમય મળી જતાં સ્ટુડિયોમાં અંદર જ સાઇકલ ચલાવવાનું શરૂ કરી દીધું હતું. નસીબજોગે ઐશ્વર્યા પણ એ દિવસે મેહબૂબ સ્ટુડિયોમાં એક ઍડના શૂટિંગ માટે આવી હતી. સલમાને ઍશની વૅનિટી વૅન ફરતે સાઇકલ લઈને ભ્રમણ કર્યું હતું. જો એ સમયે ઍશ બહાર નીકળી હોત તો બન્ને આમનેસામને આવી જાત, પણ એવું ન થયું. સલમાન સ્ટુડિયોમાંથી કામ પતાવીને નીકળી ગયો એના ઘણા સમય પછી ઍશ બહાર નીકળી હતી.

ઍશ અને સલ્લુ આ રીતે વારંવાર આમનેસામને આવતાં બચી ગયાં છે. બે અઠવાડિયાં પહેલાં પણ તેઓ મેહબૂબ સ્ટુડિયોમાં એક જ દિવસે અને એક જ સમયે કામ કરતાં જોવા મળ્યાં હતાં, પણ એ વખતેય તેમનો ભેટો નહોતો થયો. દરેક વખતે એક જ સવાલ જાગે છે કે જો બન્ને આમનેસામને આવી જાય તો શું થાય?

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK