પાકિસ્તાની ઑર્ગેનાઇઝરની અમેરિકાની ટૂર કૅન્સલ કરી સલમાને
સલમાન ખાને પાકિસ્તાની ઓર્ગેનાઇઝરની અમેરિકાની ટૂર કૅન્સલ કરી છે. તે અમેરિકાના હ્યુસ્ટનમાં પર્ફોમ કરવાનો હતો. અમેરિકામાં એન્ટિ-ઇન્ડિયા એક્ટિવિટીમાં નાણા ફંડ કરવા બદલ રેહાન સિદ્દિકીનું નામ આવ્યું હતું. આ જ વ્યક્તિએ સલમાનનો કોન્સર્ટનું આયોજન કર્યું હતું. એક વેબસાઇટ મુજબ રેહાન બૉલીવુડની સેલિબ્રિટીઝની ઇવેન્ટનું આયોજન કરી ઘણાં પૈસા કમાય છે અને એનું ફંડ ઇન્ડિયા વિરુદ્ધ ઉપયોગ કરે છે. સૈફ અલી ખાન, મિકા સિંહ, પંકજ ઉદાસ અને રૅપર-સિંગર બાદશાહ જેવી સેલિબ્રિટીઝની લગભગ ૪૦૦થી વધુ ઇવેન્ટનું તે આયોજન કરી ચૂક્યો છે. તે હાલમાં સિટિઝનશિપના કાયદા વિરુદ્ધ પણ અમેરિકામાં ઇવેન્ટનું આયોજન કરી રહ્યો હોવાની ચર્ચા ચાલી રહી છે. આ તમામ વાતનો ધ્યાનમાં રાખીને સલમાને તેની ઇવેન્ટ કૅન્સલ કરી છે.