સલિલ અંકોલા થયો કોવિડ પૉઝિટિવ
સલિલ અંકોલા થયો કોવિડ પૉઝિટિવ
સલિલ અંકોલાને કોરોના થયો છે એની માહિતી તેણે સોશ્યલ મીડિયામાં આપી છે. સલિલને શ્વાસ લેવામાં તકલીફ ઊભી થઈ હતી. એથી તેણે હૉસ્પિટલમાં દાખલ થવાનો નિર્ણય લીધો હતો. તેના બર્થ-ડેના એક દિવસ અગાઉ તેને હૉસ્પિટલમાં દાખલ થવું પડ્યું હતું. તેના બીમાર પડવાની વાત ધ્યાનમાં આવતાં જ સૌકોઈ ચિંતિત થઈ ઊઠ્યા હતા અને તેના જલદી સ્વસ્થ થવાની કામના કરવા લાગ્યા હતા. પોતાનો ફોટો ઇન્સ્ટાગ્રામ પર શૅર કરીને સલિલે કૅપ્શન આપી હતી કે ‘આવતી કાલે મારો બર્થ-ડે છે અને મને કોરોના થયો છે. મારા માટે તો કદી ન ભુલાય એવો બર્થ-ડે રહ્યો છે. આ બધું ખૂબ ભયાનક છે. તમારા સૌના આશીર્વાદથી હું આ બધામાંથી બહાર આવી જઈશ. પૂરા જોશ સાથે પાછો ફરીશ.’