કંદહાર હાઇજૅક પર બનશે વેબ-સિરીઝ

Published: 6th January, 2021 19:41 IST | Nirali Dave | Mumbai

હિન્દી મીડિયમ ફેમ ડિરેક્ટર સાકેત ચૌધરી આ સિરીઝને ડિરેક્ટ કરવાના છે અને અંધાધૂનના પ્રોડ્યુસરો એનું નિર્માણ કરશે

સાકેત ચૌધરી
સાકેત ચૌધરી

ડિસેમ્બર ૧૯૯૯માં બનેલી કંદહાર હાઇજૅકિંગની ઘટના હવે વેબ-સિરીઝમાં જોવા મળશે. ૧૯૯૯માં આતંકવાદીઓ ભારતીય વિમાન આઇસી ૮૧૪ને હાઇજૅક કરીને અફઘાનિસ્તાનના કંદહાર લઈ ગયા હતા ત્યારે આખા વિશ્વમાં ખળભળાટ મચી ગયો હતો. આ ઘટનાને લઈને અગાઉ ‘કંદહાર’ નામની મલયાલમ ફિલ્મ બની ચૂકી છે જેમાં અમિતાભ બચ્ચન અને મોહનલાલ હતા. હવે આ વિષય પર પહેલી વખત એક વેબ-સિરીઝ બનવાની છે અને એ ‘અંધાધૂન’ના પ્રોડ્યુસર્સ બનાવવાના છે, તો ‘હિન્દી મીડિયમ’, ‘પ્યાર કે સાઇડ ઇફેક્ટ્સ’ ફેમ ડિરેક્ટર સાકેત ચૌધરી એને ડિરેક્ટ કરવાના છે.

પહેલાં આ સિરીઝ ખુદ શ્રીરામ રાઘવન ડિરેક્ટ કરશે એવી ચર્ચાએ વેગ પકડતાં શ્રીરામ રાઘવને ખુલાસો કરવો પડ્યો કે, ‘ના. આ ફેક ન્યુઝ છે. હું કંદહાર સિરીઝ નથી બનાવી રહ્યો. જેમણે મારી ફિલ્મ ‘અંધાધૂન’ બનાવી હતી તેઓ આ સિરીઝ પ્રોડ્યુસ કરવાના છે. હું આમાં કોઈ પણ રીતે સંકળાયેલો નથી.’ ઉલ્લેખનીય છે કે શ્રીરામ રાઘવનની આગામી ફિલ્મ ‘ઇક્કીસ’ એક વૉર-ડ્રામા છે જેમાં વરુણ ધવન લીડ રોલ કરી રહ્યો છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK