સૈફ-કરીનાના લગ્નમાં કેમ આવી પોલીસ?

Published: 16th October, 2012 06:38 IST

બોલિવૂડ સ્ટાર સૈફ અલી ખાન અને અભિનેત્રી કરીના કપૂરના લગ્ન ધામધૂમથી થઈ રહ્યાં છે ત્યારે સૈફના મુંબઈ સ્થિત ઘરના પાડોશીઓએ રંગમાં ભંગ પાડ્યો હતો.

સૈફના પાડોશીઓએ લગ્નની સંગીત સેરેમની દરમિયાન અવાજને લઈને ઉભી થયેલી અડચણને લઈને પોલીસ બોલાવી લીધી હોવાનું સૂત્રો દ્વારા જાણવા મળ્યું હતું. 


બાંદ્રા ખાતે સતગુરૂ એપાર્ટમેન્ટમાં નવા ઘર પર સૈફ અલી ખાનના લગ્નની સંગીત સેરેમની ગઈ કાલે રાત્રે ધૂમધામપૂર્વક મનાવાઈ રહી હતી. સેરેમની દરમિયાન ઉંચા અવાજે વાગી રહેલા મ્યૂઝિકને લઈને પાડોશીઓની ઉંઘ હરામ થઈ ગઈ હતી. અંતે પાડોશીઓએ આ બાબતની જાણ પોલીસને કરી હતી. પોલીસ તુરંત જ સૈફના ઘર પર આવી પહોંચી હતી અને મ્યુઝિક બંધ કરાવી દીધું હતું. આ ઘટનાથી સંગીત સેરેમનીમાં પધારેલા સૈફના મહેમાનોના રંગમાં ભંગ પડ્યો હતો.

જોકે પોલીસના ગયા બાદ ફરીથી સૈફના ઘર પર મ્યુઝિક શરૂ થઈ ગયું હતું પરંતુ તે ખુબ નીચા અવાજે વાગી રહ્યું હતું.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK