'આદિપુરુષ'માં સૈફ અલી ખાન નેગેટિવ રોલમાં જોવા મળશે?

Published: 22nd August, 2020 17:58 IST | Gujarati Mid-day Correspondent | Mumbai

સૈફ કદાચ રાવણના પાત્રમાં હશે

સૈફ અલી ખાન
સૈફ અલી ખાન

સૈફ અલી ખાન ફરી એક વખત ‘આદિપુરુષ’માં નેગેટિવ રોલમાં જોવા મળશે એવી ચર્ચા ચાલી રહી છે. સૈફે આ અગાઉ ‘તાન્હાજી : ધ અનસંગ વૉરિયર’માં નેગેટિવ રોલ ભજવ્યો હતો. આ ફિલ્મને ડિરેક્ટર ઓમ રાઉતે ડિરેક્ટ કરી હતી અને હવે પ્રભાસની ‘આદિપુરુષ’ને પણ તેઓ જ ડિરેક્ટ કરવાના છે. ‘આદિપુરુષ’માં પ્રભાસ ભગવાન રામની ભૂમિકામાં દેખાશે. એને જોતાં એવું લાગી રહ્યું છે કે સૈફ કદાચ રાવણના પાત્રમાં હશે. આ ફિલ્મ ‘રામાયણ’ પરથી બનાવવામાં આવી રહી છે કે પછી શું એ વિશે હજી સુધી કોઈ માહિતી નથી. આ પહેલાં હૃતિક રોશનનું નામ પણ આ ફિલ્મ સાથે જોડાયું હતું. આ ફિલ્મ હિન્દી અને તેલુગુ ભાષામાં બનાવવામાં આવશે. 3D વર્ઝનને તામિલ, મલયાલમ, કન્નડ અને અન્ય વિદેશી ભાષાઓમાં ડબ કરીને એકસાથે રિલીઝ કરવામાં આવશે. ફિલ્મનું શૂટિંગ આવતા વર્ષે શરૂ કરવામાં આવશે. આ ફિલ્મને ટી-સિરીઝ પ્રોડ્યુસ કરશે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK