સાંડ કી આંખનો ફર્સ્ટ લૂક રિલીઝ, આવો છે તાપસી પન્નૂ અને ભૂમિનો લૂક
સાંડ કી આંખનો ફર્સ્ટ લૂક રિલીઝ
દુનિયાની સૌથી બુઢી મહિલા શાર્પશૂટર્સ પર બની રહેલી ફિલ્મ સાંડ કી આંખનું નવું પોસ્ટર રીલિઝ કરી દેવામાં આવ્યું છે. આ પોસ્ટરમાં તાપસી અને ભૂમિ અલગ જ અંદાજમાં જોવા મળી રહ્યા છે. ફિલ્મમાં તાપસી અને ભૂમિ ચંદ્રો તોમર અને તેની ભાભી પ્રકાશી તોમરની ભૂમિકામાં જોવા મળશે. વૃદ્ધાના રોલમાં જોવા મળી રહેલા તાપસી અને ભૂમિના આ અંદાજને લોકો પસંદ કરી રહ્યા છે. ભૂમિ પેડનેકર અને તાપસી પન્નૂ બંનેએ પોતાના ટ્વિટ્ટર હેંડલ પરથી આ પોસ્ટર શેર કર્યું છે.
इस दिवाली पटाके नहीं गोलियाँ चलेंगी!
— taapsee pannu (@taapsee) April 16, 2019
Here's the first look poster. #SaandKiAankhThisDiwali pic.twitter.com/95m2Yecski
ADVERTISEMENT
ફિલ્મ સાંડ કી આંખ અનુરાગ કશ્યપ અને નિધિ તોમરે મળીને પ્રોડ્યૂસ કરી છે. જ્યારે રિલાયંસ એંટરટેનમેન્ટના બેનર નીચે તુષાર હિરાનંદાણી પહેલી ફિલ્મ ડાયરેક્ટ કરી રહ્યા છે. ફિલ્મના પોસ્ટમાં રીલિઝ ડેટનો પણ ખુલાસો કરવામાં આવ્યો છે. આ ફિલ્મ દીવાળી પર રીલિઝ થશે.
આ પણ વાંચોઃ ફિલ્મ-મેકર્સ વારંવાર પસંદ કરે એવી હિરોઇન બનવું છે તાપસી પન્નુને
પોસ્ટરમાં તાપસી અને ભૂમિ ઘાઘરા અને કૂર્તામાં નજર આવી રહ્યા છે. પોસ્ટરમાં ટેગલાઈન આપવામાં આવી છે, "તન બુઢા હોતા હૈ,મન બુઢા નહીં હોતા." ભૂમિએ પોતાનો ફિલ્મનો લૂક શેર કરતા એમ પણ કહ્યું હતું કે આ રોલ અત્યાર સુધીનો તેમનો સૌથી મુશ્કેલ રોલ છે. ફિલ્મનું પોસ્ટર એટલું ઈન્ટ્રેસ્ટિંગ છે કે લોકો તેની આતુરતાથી રાહ જોઈ રહ્યા છે.
