Valentines Special: સચિન જીગરનું નવું ગીત 'કહેવા દે' આજે રિલીઝ

Published: 9th February, 2021 15:20 IST | Gujarati Mid-Day Online Correspondent | Mumbai

જ્યારે અમે આ ગીત કમ્પૉઝ કરી રહ્યા હતા ત્યારે અમે આ ગીતને રોમાન્સને બદલે કન્ટેમ્પરરીને તરીકે રિલીઝ કરવાના હતા.

Valentines Special: સચિન જીગરનું નવું ગીત કહેવા દે આજે રિલીઝ
Valentines Special: સચિન જીગરનું નવું ગીત કહેવા દે આજે રિલીઝ

2020માં સંગીત ખૂબ જ ખીલીને બહાર આવતું જોવા મળ્યું છે. સંગીતકારોએ પણ ખૂબ જ સરસ ગીતો રિલીઝ કર્યા છે. એટલું જ નહીં શ્રોતાઓને પણ 2020 બાદ ખૂબ જ સારા ગીતોની ભેટ મળી છે. સચિન જીગરનું એવા જ પ્રકારનું એક સિંગલ ગીત 'કહેવા દે' આજે રિલીઝ થઈ ગયું છે. જ્યારે વેલેન્ટાઇન ડે ખૂબ જ નજીક છે એવામાં આ ડ્યૂઓ રોમાન્ટિક ટ્રેક જેમાં એક સુંદર મેલોડી અને રિધમ જોવા મળશે તેવું ગીત 'કહેવા દે' આજે રિલીઝ કર્યું છે.

આ ગીતના શબ્દો નીરેન ભટ્ટે લખ્યા છે અને જીગર સરૈયાએ ગાયું છે. જીગર અને લેખા પ્રજાપતિ આ ગીતમાં જોવા મળે છે જ્યારે વીડિયોનું ડિરેક્શન અરુનિમા શર્માએ કર્યું છે. 'કહેવા દે' એ એવું ગીત છે જે નૉન ગુજરાતી લોકોમાં પણ ખૂબ જ લોકપ્રિય થવાનું છે. આ ગીતમાં જે ઇન્સ્ટ્રુમેન્ટ્સનો ઉપયોગ કરવામાં આવ્યો છે તે ટ્રેડિશનલ છે પણ તેને એક પ્રકારની કૉન્ટેમ્પ્રરી અપીલ કરે છે.


સચિન-જીગર આ ગીતના રિલીઝ માટે ઉત્સાહિત થતાં કહે છે કે, "જ્યારે અમે આ ગીત કમ્પૉઝ કરી રહ્યા હતા ત્યારે અમે આ ગીતને રોમાન્સને બદલે કન્ટેમ્પરરીને તરીકે રિલીઝ કરવાના હતા. આ વર્ષે અમને તક આપી છે કે અમે જાતે સ્વતંત્ર સંગીત ઊંડાણથી બનાવીએ અને અમે એવી આશા રાખીએ છીએે કે ગ્રેટ ગીતો હંમેશાં અમારા પ્રયોગાત્મક વલણતી જ આવ્યા છે. અમે શ્રોતાઓની પ્રતિક્રિયાઓ જોવા માટે આતુરતાથી રાહ જોઇ રહ્યા છીએ."

આ ગીતનું કમ્પૉઝિશન સચિન-જીગર દ્વારા કરવામાં આવ્યું છે. શબ્દો નીરેન ભટ્ટના છે, સ્વર જીગર સરૈયાએ આપ્યું છે અને જીગર તેમજ લેખા પ્રજાપતિને આ ગીતમાં ફીચર કરવામાં આવ્યા છે. કહેવા દે શ્રોતાઓ માટે બધાં જ પ્લેટફૉર્મ પર અવેલેબલ છે.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK