સ્ટૅમ્પ પેપર સ્કૅમ આધારિત સિરીઝમાં રોહિત રૉય લીડ રોલમાં
રોહિત રૉય
અઢળક હિન્દી ફિલ્મો અને સિરિયલો કરી ચૂકેલો જાણીતો અભિનેતા રોહિત રૉય હવે ઓટીટી ડિજિટલ પ્લૅટફૉર્મ ઉલ્લુની આગામી વેબ-સિરીઝ ‘પેપર’માં જોવા મળવાનો છે.
હાલ સ્ટાર પ્લસ પર ચાલી રહેલી ‘સંજીવની’ સિરિયલમાં તે વર્ધાન મખીજાનું પાત્ર ભજવી રહ્યો છે. ઉલ્લુની વેબ-સિરીઝ ‘પેપર’ની વાર્તા નેવુંના દાયકામાં આકાર લેશે જેમાં એક ગામડાના ભણેલાગણેલા છોકરાની વાહ હશે જે પોતાનાં સપનાં પૂરાં કરવા ભારતના મોટા શહેરમાં જાય છે. એ છોકરો શહેરમાં કરોડોનું સ્ટૅમ્પ પેપર કૌભાંડ કરે છે, નકલી સ્ટૅમ્પ પેપર બનાવડાવે છે અને એના કારણે કુખ્યાત થઈ જાય છે. આ છોકરાનો રોલ જે પાછળથી મોટો માણસ બને છે એ રોહિત રૉય ભજવવાનો છે.
ADVERTISEMENT
આ પણ વાંચો : ભાભીજી ઘર પર હૈ ફેમ ફાલ્ગુની રાજાણીની ઍમેઝૉનની વેબ સિરીઝ કામાઠીપુરામાં એન્ટ્રી
રોહિત રૉય આ સિરીઝમાં એક યુવાનથી પંચાવન વર્ષની ઉંમરની વ્યક્તિનો રોલ ભજવવાનો છે. તેના પાત્રનું નામ અબ્દુલ હશે જે ગામડાનો સામાન્ય યુવાન હશે જે સમય જતાં ભારતનો પાવરફુલ માણસો પૈકીનો એક બની જશે.
