જેનિલિયા-રિતેશની સગાઈ થઈ ગઈ?

Published: 5th October, 2011 19:38 IST

હવે લાગે છે કે જેનિલિયા-રિતેશના સંબંધો ઑફિશ્યલ થઈ ગયા છે. એવું પણ લાગી રહ્યું છે કે તેઓ થોડા મહિનાઓમાં જ લગ્ન કરશે. બન્નેની નજીકની એક વ્યક્તિના કહેવા મુજબ પંદર દિવસ પહેલાં મહારાષ્ટ્રના ભૂતપૂર્વ મુખ્ય પ્રધાન અને રિતેશના પપ્પા વિલાસરાવ દેશમુખના ઘરે એક પ્રાઇવેટ સેરેમનીમાં તેમની સગાઈ કરવામાં આવી હતી.

 

રિતેશ અને જેનિલિયા લગ્ન માટે ઘણા સમયથી પ્લાન કરી રહ્યાં હતાં અને એ કારણે જ બન્નેના પરિવારજનોએ વિચાર્યું હતું કે ઑફિશ્યલી તેમના પ્રેમસંબંધને એક સ્ટેપ આગળ લઈ જ જવું. રસપ્રદ વાત એ છે કે બન્નેના ફિલ્મજગતમાંથી કોઈ પણ મિત્રોને આ સેરેમનીમાં બોલાવવામાં આવ્યા નહોતા. તેમણે આખી સેરેમની પરિવારજનો અને અમુક ક્લોઝ ફ્રેન્ડ્સની હાજરીમાં જ માણવાનું નક્કી કર્યું હતું.

એવું કહેવામાં આવે છે કે તેઓ છેલ્લાં આઠ વર્ષથી એકબીજાના પ્રેમમાં છે, પણ ક્યારેય જાહેરમાં આ વાત કબૂલ કરતાં જોવા નથી મYયાં. ખબરો અનુસાર રિતેશ પહેલાંથી જ ઇચ્છતો હતો કે તે જેનિલિયા સાથે લગ્ન કરે, પણ તેના કુટુંબીજનો ઇચ્છતા હતા કે તે કોઈ તેમની કમ્યુનિટીની જ યુવતી સાથે લગ્ન કરે. જોકે રિતેશે તેમને મનાવ્યા હતા.

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK