ચિત્રાંગદાએ વિવાદાસ્પદ રીતે ફિલ્મ છોડતાં તેની જગ્યાએ રિચા ચઢ્ઢા જોવા મળશે?
ADVERTISEMENT
શાહીન પરકાર
આ ફિલ્મ પ્રોડ્યુસર પ્રીતીશ નન્દીનો દીકરો કુશાન બનાવી રહ્યો છે. ચિત્રાંગદાએ એવો આરોપ મૂક્યો હતો કે ફિલ્મમાં રોમૅન્ટિક દૃશ્યની જરૂર ન હોવા છતાં ફિલ્મમેકરે તેને રોમૅન્ટિક દૃશ્ય ભજવવા માટે જબરદસ્તી કરી હતી. ચિત્રાંગદાએ આ વિશે જણાવતાં કહ્યું હતું કે તેણે આ દૃશ્ય માટે બ્લાઉઝ પહેરવાનું હતું અને એનાં બટન ખુલ્લાં રાખવાનાં હતાં તેમ જ પેટિકોટ પહેરીને નવાઝુદ્દીનની ઉપર પગ મૂકવાનો હતો. આ વિશે સૂત્રે કહ્યું હતું કે ‘ફિલ્મમેકર્સ આ કન્ટ્રોવર્સી શાંત પડવાની રાહ જોઈ રહ્યા છે જેથી તેઓ ચિત્રાંગદાની જગ્યાએ કઈ હિરોઇન પસંદ કરવામાં આવશે એની જાહેરાત કરી શકે. આ માટે તેમણે રિચાને પસંદ કરી છે.’
આ વિશે જ્યારે કુશાનનો સંપર્ક કરવામાં આવ્યો ત્યારે તેણે કહ્યું હતું કે ‘રિચા એક ખૂબ જ સારી ઍક્ટ્રેસ છે. તેની સાથે કામ કરવાનું મને ગમશે, પરંતુ હાલમાં આ વિશે કંઈ જ જણાવી શકું એમ નથી.’
