ઍક્શન-ડ્રામા લઈને આવશે રેમો ડિસોઝા

Published: 10th February, 2020 13:55 IST | UPALA K B R | Mumbai Desk

એપ્રિલ-મે સુધીમાં ફિલ્મનું શૂટિંગ અમે શરૂ કરીશું. ફિલ્મ માટે ટૉપના કલાકારો સાથે ચર્ચા ચાલી રહી છે.

રેમો ડિસોઝા હવે ડાન્સ પર આધારિત ફિલ્મ નહીં, પરંતુ ઍક્શન-ડ્રામા લઈ‌ને આવશે. તેની હાલમાં જ વરુણ ધવન સાથેની ‘સ્ટ્રીટ ડાન્સર 3D’ રિલીઝ થઈ હતી. પોતાની આગામી ફિલ્મ વિશે રેમો ડિસોઝાએ કહ્યું હતું કે ‘મારી આગામી ફિલ્મ ઍક્શન-ડ્રામા રહેવાની છે. સાથે જ એ ‘રેસ 3’ કરતાં તદ્દન અલગ રહેશે. મેં કેટલીક સ્ક્રિપ્ટ લખી છે જેમાં ડાન્સ પર આધારિત ફિલ્મ પણ સામેલ છે. જોકે હું ઍક્શન ફિલ્મ પહેલાં બનાવવા માગું છું. એપ્રિલ-મે સુધીમાં ફિલ્મનું શૂટિંગ અમે શરૂ કરીશું. ફિલ્મ માટે ટૉપના કલાકારો સાથે ચર્ચા ચાલી રહી છે.’

શું તે વરુણ ધવન સાથે આ ફિલ્મમાં કામ નહીં કરે? એવું પૂછવામાં આવતાં રેમો ડિસોઝાએ કહ્યું હતું કે ‘મને લાગે છે કે તે અન્ય પ્રોજેક્ટસમાં બિઝી છે. તેની પાસે ત્રણ ફિલ્મો છે. એથી આ ફિલ્મમાં તે નહીં હોય. જોકે કંઈ કહી શકાય નહીં.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK