ફાલ્ગુની પાઠકના આ ગીતનું રિમિક્સ વર્ઝન થયું રિલીઝ, મળ્યા કરોડો હિટ્સ
દિવ્યા ખોસલા કુમાર
બોલીવુડમાં અત્યારે જૂના ગીતોના રિમિક્સ બનાવવાનો જમાનો ચાલી રહ્યો છે. 90ના દાયકાના અથવા તેની પહેલાના પોપ્યુલર ગીતોને નવી સ્ટાઈલમાં બનાવવામાં આવ્યા છે. હવે આ લિસ્ટમાં વધુ એક ગીત જોડાઈ ગયું છે, જેનું નામ છે યાદ પિયા કી આને લગી. એ સમયે ખૂબ જ હિટ થયેલું આ ગીત હવે રિમિક્સના રૂપમાં સામે આવી ગયું છે.
ગીતના ઑરિજિનલ વર્ઝન ડાંડિયા ક્વી ફાલ્ગુની પાઠકે ગાયું હતું, પરંતુ ગીતના નવા વર્ઝનમાં નેહા કક્કરે અવાજ આપ્યો છે. સાથે જ રિમિક્સ વર્ઝનને એક્ટ્રેસ-ફિલ્મ મેકર દિવ્યા ખોસલા કુમાર પર ફિલ્માવવામાં આવ્યું છે. જૂના ગીતની જેમ આ ગીતનું નવું વર્ઝન પણ ખૂબ જ ધૂમ મચાવી રહ્યું છે. યૂટ્યૂબ પર તેને 19 મિલિયન એટલે કે 1 કરોડ 90 લાખથી વધુ વાર જોવામાં આવ્યું છે.
દિવ્યા ખોસલાએ ગીતની સફળતાને લઈને ટ્વીટ કર્યું છે અને 24 કલાકમાં 10 મિલિયન વ્યૂઝ થવા પર લોકોને ધન્યવાદ કહ્યું છે. આ ગીત યૂટ્યૂબ ઈન્ડિયા પર ટ્રેન્ડ કરી રહ્યું છે. લોકોને આ ગીત પસંદ આવી રહ્યું છે. ગીતમાં દિવ્યાનું ડ્રેસઅપ પણ અલગ છે. એક તરફ તે જીન્સ અને ટૉપમાં નજર આવે છે, તો બીજી તરફ તે લહેંગામાં ડાન્સ કરે છે.
#YaadPiyaKiAaneLagi crosses 10 million views in less than 24 hours!! I can’t thank you guys enough for all the love, appreciation and support❤️https://t.co/u5mMKAqdNv@tanishkbagchi @yourjaani @SapruAndRao @IAmNehaKakkar @tseries @imfiroz19 pic.twitter.com/PDcSt0FrDP
— Divya Khosla Kumar (@iamDivyaKhosla) November 17, 2019
ADVERTISEMENT
આ પણ જુઓઃ સાદગી અને સુંદરતાનો પર્યાય છે Dia Mirza, આ તસવીરો છે પુરાવો