આર્ટિકલ 370 કાશ્મીરની પ્રવર્તમાન સ્થિતિને ઇતિહાસ સાથે રજૂ કરશે
મોદી
જમ્મુ-કાશ્મીરમાંથી આર્ટિકલ ૩૭૦ અને ૩પ/એ હટાવ્યા પછી અત્યારે આ વિષય પર ફિલ્મ બનાવવા રીતસરની ભાગદોડ મચી છે, પણ આ બધામાં વેબસિરીઝના ફીલ્ડમાં સૌથી આગળ Zee5 થઈ ગયું છે અને ‘આર્ટિકલ 370 – કલ ભી, આજ ભી’ ટાઇટલ સાથે વેબસિરીઝ બનાવવાનું નક્કી કરી તૈયારીઓ પૂરી કરી લીધી છે. આ વેબસિરીઝની સૌથી મોટી ખાસિયત એ રહેશે કે એમાં ૧૯૪૭ અને ૧૯૪૮ની ઘટનાના કાશ્મીરનાં રિયલ ફુટેજ પણ લેવામાં આવશે તો સાથોસાથ ભારત અને પાકિસ્તાનનાં સત્તાવાર સ્ટેટમેન્ટ્સ હશે એ પણ રિયલ ફુટેજ તરીકે વાપરવામાં આવશે. આ પછી પણ આખી વેબ સિરીઝ એક નાટ્યાત્મક ફૉર્મેટ પર હશે અને વાર્તાનો પ્રવાહ પણ જળવાયેલો રહેશે.
આ પણ વાંચો : વેબસિરીઝ ‘ધી એન્ડ’ માટે અક્ષયકુમારે તોતિંગ ફી લીધી
ADVERTISEMENT
‘આર્ટિકલ 370 – કલ ભી, આજ ભી’ સાથે સંકળાયેલી ક્રીએટિવ ટીમના એક સિનિયરના કહેવા મુજબ નેટફ્લિક્સ પર અત્યારે દર્શાવાઈ રહેલી ‘વાઇલ્ડ વાઇલ્ડ કન્ટ્રી’ને બેઝ બનાવીને આ સિરીઝનું પ્લાનિંગ કરવામાં આવ્યું છે, પણ એ સિરીઝમાં રજનીશ સાથે જોડાયેલા લોકોના ઇન્ટરવ્યુ અને રિયલ ફુટેજ હતાં, જ્યારે અહીં રિયલ ઘટનાઓને વાર્તાની સાથે જોડીને સ્ટોરી કહેવામાં આવશે અને પ્રશ્નોને હકીકત સાથે જોડીને સમજાવવામાં આવશે.
