રશ્મિ બાલાજીની વેબ-સિરીઝ સાઇન કરશે?

Published: Feb 12, 2020, 12:46 IST | Rashmin Shah | Rajkot

બોલ્ડ સબ્જેક્ટ માટે વિખ્યાત બાલાજી ટેલિફિલ્મ્સના ડિજિટલ પ્લૅટફૉર્મના એક અપકમિંગ શો માટે રશ્મિ દેસાઈની રાહ જોવાઈ રહી છે

રશ્મિ દેસાઈ
રશ્મિ દેસાઈ

‘બિગ બૉસ’ના ઘરમાં રહેલી ઍક્ટ્રેસ રશ્મિ દેસાઈ ઘરની બહાર આવતા વીકે આવશે, પણ તે બહાર આવે એ પહેલાં જ તેને માટે એકતા કપૂરની એક વેબ-સિરીઝની ઑફર તૈયાર થઈ ગઈ છે. બાલાજી ટેલિફિલ્મ્સના ડિજિટલ પ્લૅટફૉર્મની એક અપકમિંગ વેબ-સિરીઝ માટે રશ્મિની રાહ જોવાઈ રહી છે. રશ્મિ દેસાઈ બહાર આવે એ પછી તેને એ સબ્જેક્ટ સંભળાવવામાં આવશે. બાલાજીની ખાસિયત મુજબ આ સબ્જેક્ટ પણ બોલ્ડ વિષય પર આધારિત હોવાનું માનવામાં આવે છે. રશ્મિ દેસાઈએ અત્યાર સુધીમાં જેકોઈ કૅરૅક્ટર કર્યાં છે એ ઘરરખ્ખુ દીકરી કે વહુના કર્યાં હોવાથી સૌથી મોટો પ્રશ્ન એ છે કે રશ્મિ એ વેબ-સિરીઝ સ્વીકારશે કે નહીં?

બહુ ઓછા લોકોને ખબર છે કે રશ્મિ દેસાઈ એકતા કપૂરની વાતને બને ત્યાં સુધી ટાળતી નથી. રશ્મિ તેના એક્સ-હસબન્ડ નંદિશ સંધુ સાથે ડિવૉર્સ લેવાની હતી એ પહેલાં બન્નેને કપલ તરીકે એક ડાન્સ-શો મળ્યો અને રશ્મિએ એ શો કરવાની ના પાડી દીધી હતી. એ સમયે પણ રશ્મિને એકતાએ જ શો કરવા માટે સમજાવી હતી અને રશ્મિએ એકતાની એ વાત માની પણ હતી. આ વખતે પણ એવી ધારણા રાખી શકાય કે એકતા કપૂર પોતાની વેબ-સિરીઝ માટે રશ્મિને મનાવી લે.

Loading...
 
 
Loading...
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK