ગંગુબાઈ કાઠિયાવાડીમાં જોવા મળશે રણવીર?
આલિયા ભટ્ટની ‘ગંગુબાઈ કાઠિયાવાડી’માં રણવીર સિંહ જોવા મળે એવી શક્યતા છે. સંજય લીલા ભણસાલીની આ ફિલ્મમાં આલિયા પહેલી વખત કામ કરી રહી છે. આ ફિલ્મ હુસેન ઝૈદીની બુક ‘માફિયા ક્વીન્સ ઑફ મુંબઈ’ પર આધારિત છે. ફિલ્મનો ફર્સ્ટ લુક જ્યારથી રિલીઝ થયો છે ત્યારથી લોકોમાં આ ફિલ્મને લઈને ખૂબ તાલાવેલી છે. એવામાં લોકોના ઉત્સાહમાં વધારો કરતાં એવી વાત વહેતી થઈ છે કે આ ફિલ્મમાં રણવીર સિંહ પણ નાનકડી ભૂમિકામાં જોવા મળી શકે એમ છે.
રણવીર અને આલિયાએ આ અગાઉ ‘ગલી બૉય’માં સાથે કામ કર્યું હતું એથી બન્નેની ઑન-સ્ક્રીન જોડી લોકોને ખૂબ પસંદ પણ છે. જોકે આ દિશામાં કોઈ સત્તાવાર જાહેરાત નથી કરવામાં આવી.