રાનીએ પોતે કરી ફિલ્મમાં પહેરવાની સાડીની પસંદગી

Published: 28th October, 2012 05:12 IST

‘તલાશ’માં પોતાના પાત્રને ન્યાય આપવા જુદા-જુદા મૂડ પ્રમાણે આ પોશાક પહેર્યો છે



રાની મુખરજી તેની આમિર ખાન સાથેની આગામી ફિલ્મ ‘તલાશ’માં મધ્યમ વયની ગૃહિણી બની છે અને ફિલ્મમાં તેણે પોતાના પાત્રને ન્યાય આપવા માટે અલગ-અલગ પ્રકારની સાડીઓ પહેરી છે. સામાન્ય રીતે ફિલ્મના કલાકારોનાં કપડાંની પસંદગી ડ્રેસ-ડિઝાઇનર કરતા હોય છે, પણ આ ફિલ્મમાં રાનીએ જે સાડીઓ પહેરી છે એની પસંદગી તેણે પોતે એક સ્ટોરમાંથી કરી છે.

આ ઘટના વિશે વાત કરતાં ફિલ્મ સાથે સંકળાયેલા ડિઝાઇનર મનોશી નાથ અને ઋષિ શર્મા કહે છે, ‘ફિલ્મમાં રાની મિડલ-ક્લાસ હાઉસવાઇફ બની છે અને એ વાતને ધ્યાનમાં રાખીને જ તેનો લુક તૈયાર કરવામાં આવ્યો છે. તે રોજબરોજના જીવનમાં પ્લેન સાડીઓ પહેરે છે. ફિલ્મમાં સાડી તેના મૂડનું અને સોશ્યલ સ્ટેટસનું પ્રતીક છે. અમારે રાની માટે સાડીની પસંદગી કરતી વખતે આ વાત ધ્યાનમાં રાખવાની હતી. જોકે રાનીને એક સ્ટોરની સાડીઓ પસંદ પડી જતાં તેણે અમને ત્યાં મોકલ્યા હતા અને અમે એ સાડીઓનો સમાવેશ તેના ફિલ્મ માટેના વૉર્ડરોબમાં કર્યો છે. એ સિવાય અમે દિલ્હી અને જયપુરથી પણ કેટલીક હૅન્ડલૂમની સાડીઓ ખરીદી છે.’



Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK