રણદીપે છોડી દીધું સ્મોકિંગ

Published: 12th December, 2012 06:04 IST

જે વ્યક્તિએ સ્મોકિંગ છોડ્યું હોય તેને જ ખ્યાલ હોય છે કે આ આદત છોડવા માટે બહુ મહેનત કરવી પડે છે.


જોકે હાલમાં રણદીપ હૂડાએ ભારે મહેનત પછી પોતાની આ કુટેવ છોડી છે અને તેના દાવા પ્રમાણે તેણે દિવાળી પછી સિગારેટને હાથ સુધ્ધાં નથી અડાડ્યો.

રણદીપ એક સમયે ચેઇનસ્મોકર હતો. તેની આ આદત વિશે તેની નજીકની એક વ્યક્તિ કહે છે, ‘રણદીપ પહેલાં સતત સિગારેટ ફૂંકતો દેખાતો હતો. તે શૉટ વચ્ચે, ભોજન બાદ અને ફોન પર વાત કરતી વખતે પણ સ્મોકિંગ કરવાની તલબ બુઝાવી લેતો હતો.’

પોતાના સિગારેટ છોડવાના અનુભવ વિશે વાત કરતાં રણદીપ કહે છે, ‘મારે માટે આ બહુ મુશ્કેલ હતું. હું સતત સિગારેટ પીતો હતો. હવે જ્યારે સિગારેટ પીવાની બહુ ઇચ્છા થાય છે ત્યારે હું કાં તો પાણી પી લઉં છું અથવા તો કંઈક ખાવાનું અને ચ્યુઇંગ ગમ ચાવવાનું પસંદ કરું છું. મેં ૧૮ વર્ષ કરતાં પહેલાં બહુ નાની વયે સ્મોકિંગ શરૂ કરી દીધું હતું અને હજી પણ હું મારી આ તલબ પર સંપૂર્ણ કાબૂ નથી મેળવી શક્યો, પણ ઘણો કાબૂ મેળવી લીધો છે એ વાતની મને ખુશી છે.’

Loading...
 
 
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK