રણબીર કપૂરને જોઈને આવી મમ્મી-ડેડીમાં પૉઝિટિવિટી
મમ્મી પપ્પા સાથે રણબીર કપૂર
ન્યુ યૉર્કમાં સારવાર લઈ રહેલા રિશી કપૂરને મળવા રણબીર કપૂર ત્યાં ગયો હતો. તેના ત્યાં જવાથી પેરન્ટ્સને પૉઝિટિવિટીનો અનુભવ થઈ રહ્યો છે. તેમની આ મુલાકાતનો ફોટો નીતુ કપૂરે ઇન્સ્ટાગ્રામ પર શૅર કર્યો હતો. આ ફોટોમાં રિશી કપૂર અને નીતુ કપૂર ખુશખુશાલ દેખાઈ રહ્યા છે તો રણબીરે એક આંખ મીંચીને મસ્તીના મૂડમાં પોઝ આપ્યો છે. આ ફોટોને રિશી કપૂર અને નીતુ કપૂરની દીકરી રિદ્ધિમા કપૂર સાહનીએ હાર્ટની ઇમોજીથી કમેન્ટ કરી હતી તો આલિયા ભટ્ટે પણ હાર્ટની ઇમોજીથી આ ફોટો પર રીઍક્ટ કર્યુ હતું. આ ફૅમિલી ફોટોને ઇન્સ્ટાગ્રામ પર નીતુ કપૂરે શૅર કરીને કૅપ્શન આપી હતી કે ‘તમે જ્યારે ઉદાસ હો ત્યારે પૉઝિટિવિટી, ખુશી, પ્રેમ અને એ આંખ મીંચવું ખૂબ જ અદ્ભુત આનંદ આપે છે.’
આ પણ વાંચોઃ સિને અવૉર્ડમાં રણબીર-આલિયાનો રોમાંસ
