રણબીર અને શ્રદ્ધાની ફિલ્મ ૨૦૨૨ની હોળી પર થશે રિલીઝ
શ્રદ્ધા કપૂર
રણબીર કપૂર અને શ્રદ્ધા કપૂરની આગામી ફિલ્મ ૨૦૨૨ની હોળી પર રિલીઝ કરવામાં આવશે. આ ફિલ્મને લવ રંજન દ્વારા ડિરેક્ટ કરવામાં આવશે જેને તે અંકુર ગર્ગ અને ભૂષણ કુમાર સાથે મળીને પ્રોડ્યુસ કરી રહ્યો છે. આ ફિલ્મનું ટાઇટલ હજી સુધી નક્કી કરવામાં નથી આવ્યું અને એનું શૂટિંગ જાન્યુઆરીમાં દિલ્હીમાં શરૂ કરવામાં આવ્યું હતું. આ ફિલ્મ દ્વારા રણબીર અને શ્રદ્ધાની જોડી પહેલી વાર સાથે જોવા મળશે. આ ફિલ્મમાં ડિમ્પલ કાપડિયા અને બોની કપૂર પણ જોવા મળશે. લવ રંજન તેની ફિલ્મો માટે જાણીતો છે અને એથી જ આ ફિલ્મ માટે લોકો ઘણી રાહ જોઈ રહ્યા છે. આ ફિલ્મની રાહ જોવાનું કારણ રણબીર અને શ્રદ્ધાની જોડી પણ છે. લવ રંજને આ વિશે ટ્વિટર પર ટ્વીટ કરીને જાહેરાત કરી હતી.
